Горад Бірмінгем
| Горад
Бірмінгем
Birmingham
|
||||||||||||||||
  Бірмінгем
|
||||||||||||||||
Бі́рмінгем (англ.: Birmingham) — горад у Англіі, выдзелены ў асобны раён са статусам «сіці», у цэнтры цырыманіяльнага і метрапольнага графства Вэст-Мідлэндс.
Бірмінгем з'яўляецца самым густа населеным брытанскім горадам пасля Лондана з насельніцтвам 1,016,800 чалавек (перапіс 2008)[1]. Горад размяшчаецца ў цэнтры вэст-мідландскай канурбацыі — другога па населенасці гарадскога раёна Вялікабрытаніі з насельніцтвам 2,284,093 чалавек (перапіс 2001)[2]. Бірмінгемскі метрапольны абшар, які ўключае ў сябе прымежныя прыгарады, з якімі горад шчыльна знітаваны людской маятнікавай міграцыяй, з'яўляецца другім па населенасці ў Вялікабрытаніі з агульным насельніцтвам 3,683,000 чалавек[3].
Бірмінгем быў адным з цэнтральных ачагоў Індустрыяльнай рэвалюцыі, за што пазней атрымаў мянушку «the workshop of the world» або «city of a thousand trades»[4]. Нягледзячы на тое, што індустрыяльная значнасць гэтага гораду знізілася, Бірмінгем развіўся да статусу нацыянальнага камерцыянага цэнтра, які лічыцца другім па ліку найлепшым месцам для вядзення бізнэсу[5]. Бірмінгем з'яўляецца цэнтрам дзейнасці канферэнцый, рознічнага гандлю, спартыўных спаборніцтваў у шэрагу са стала развітымі сферамі высокіх тэхналогій, навуковых даследванняў і прагрэсіўнай галіны эканомікі, якія падтрымліваюцца трыма тамтэйшымі ўніверсітэтамі. Таксама Бірмінгем з'яўялецца чацвёртым па ліку самым наведвальным замежнымі турыстамі горадам у Вялікабрытаніі[6] і мае другую па ліку буйнейшую гарадскую эканоміку[7].
У 2010 годзе Бірмінгем атрымаў 55 месца ў ліку гарадоў з найлепшымі ўмовамі жыцця ў свеце паводле кансалтынгавай кампаніі Mercer[8]. У цяперашні час распрацоўваецца буйны праект «Вялікі горад» (англ.: Big City Plan) па пераўладкаванні цэнтральнай часткі Бірмінгема з мэтай зрабіць яго 20-м па ліку горадам з найлепшымі ўмовамі жыцця ў свеце[9]. У гутарковай мове насельнікаў Бірмінгема называюць «Brummies», тэрмінам утвораным ад слова «Brum» — адной з мянушак горада. Сама мянушка можа быць утворана ад дыялектнай назвы горада «Brummagem»[10], якая ў сваю чаргу можа быць утворана ад адной з ранейшых назваў горада накшталт «Bromwicham»[11]. Існуе своеасаблівы бірмінгемскі дыялект і акцэнт.
[правіць] Вядомыя асобы
Зноскі
- ↑ «Local Authority Profile — Birmingham». Nomis — Official Labour Market Statistics. Office for National Statistics. 2009. (англ.)
- ↑ «Usual resident population: Census 2001, Key Statistics for urban areas» Office for National Statistics. (англ.)
- ↑ «British urban pattern: population data» (PDF). ESPON project 1.4.3 Study on Urban Functions. European Union — European Spatial Planning Observation Network. March 2007. (англ.)
- ↑ «Decline of the city of a thousand trades» // Birmingham Mail, 17 красавіка 2006. (англ.)
- ↑ Anna Blackaby (6 кастрычніка 2009). «Birmingham, biggest mover in European league table, second to London for UK business» (англ.)
- ↑ «National Statistics Online — International Visits». ONS. (англ.)
- ↑ UKmediacentre.pwc.com (англ.)
- ↑ «Quality of Living worldwide city rankings 2010 — Mercer survey». Mercer. 26 мая 2010. (англ.)
- ↑ «Big City Plan Website». Birmingham City Council. (англ.)
- ↑ «Brummagem». Worldwidewords.com. 13 снежня 2003. (англ.)
- ↑ William Hutton (1783). An History of Birmingham. (англ.)
[правіць] У Сеціве
- Birmingham City Council (англ.)
