Горад Нінбо

Горад Нінбо 宁波, Níngbō Цэнтр горада Каардынаты 29.871389, 121.55166729°52′17″ пн. ш. 121°33′06″ у. д.29.871389° пн. ш. 121.551667° у. д.    Краіна Кітай Плошча 9365 км² Вышыня цэнтра 150 м Насельніцтва (2004) 5 527 000 чалавек Часавы пояс UTC+8 Тэлефонны код 574 Паштовыя індэксы 315000 Афіцыйны сайт http://www.ningbo.gov.cn (кіт.)

Нінбо

Нінбо на Вікісховішчы

Нінбо (кіт. трад. 寧波, спр. 宁波, піньінь Níngbō; літаральна «спакойныя хвалі») — партовы горад субправінцыйнага ўзроўню з насельніцтвам 5.527.000 чалавек (па дадзеных 2005 года), размешчаны на паўночным усходзе правінцыі Чжэцзян у Кітайскай Народнай Рэспубліцы . З поўначы Нінбо абмываецца залівам Ханчжоўвань, з усходу — Усходне-Кітайскім морам. Горад мяжуе з Тайчжоў на поўдні і з Шаасінам на захадзе. На паўночны ўсход ад Нінбо за вузкім пралівам знаходзіцца горад Чжоўшань. Плошча горада 9365 км ², даўжыня берагавой лініі 1562 км. ВУП на душу насельніцтва складае 39.045 юаняў (2004).

Гісторыя

Першымі еўрапейцамі, якія пабывалі ў Нінбо былі партугальцы ў 1522 годзе. Нінбо таксама быў адным з 5 «дагаворных партоў», адкрытых для гандлю згодна з Нанкінскім дагаворам ў 1842 г пасля заканчэння Першай опіумнай вайны паміж цынскім Кітаем і Вялікабрытаніяй. У ходзе вайны брытанцы авалодалі горадам неўзабаве пасля паспяховага штурму крэпасці Чжэньхай ў вусце ракі Юн 10 кастрычніка 1841 года. У 1864 горад на працягу шасці месяцаў ўтрымлівалі тайпіны.

У мінулым Нінбо славіўся вытворчасцю традыцыйнай кітайскай мэблі.