Эскільстуна

Горад Эскільстуна шведск.: Eskilstuna Краіна Швецыя Лен Сёдэрманланд Каардынаты 59°22′ пн. ш. 16°31′ у. д. Заснаваны 1659 Горад з 1659 Плошча 29,75 км² Вышыня цэнтра 26 ± 1 м Водныя аб’екты Eskilstunaån[d] Насельніцтва 64679 чалавек (2010) Часавы пояс UTC+1, летам UTC+2 Тэлефонны код 016-710 Паштовыя індэксы 630 03 - 638 21 Афіцыйны сайт eskilstuna.se (шведск.)(англ.)(фр.)(ням.)(фін.) Правінцыя Сёдэрманланд Эскільстуна на карце Швецыі

Медыяфайлы на Вікісховішчы

Эскільстуна (шведск.: Eskilstuna) — горад у Швецыі, прыкладна за 115 км на захад ад Стакгольма, на рацэ Эскільстунаон, у некалькіх кіламетрах ад азёраў Меларэн і Ельмарэн. Цэнтр аднайменнай камуны ў лэне Сёдэрманланд. Насельніцтва 64 679 чал. (2010).

Гісторыя

Рака Эскільстунаон і гістарычны цэнтр Эскільстуны

Спачатку на месцы сучаснага горада існавалі два гандлёвыя мястэчкі: Форс і Туна. Апошняя ўпершыню згадваецца ў летапісы пад 1104 годам, калі тут ужо існаваў культ Святога Эскіля, які паводле адной з легенд, быў забітым паганцамі англійскім манахам. У 1120 годзе Туна была ўжо цэнтрам біскупства, а прыкладна ў 1266 годзе была перайменавана ў «Эскілеву Туну» (шведск.: Eskilstuna). Пад канец XVI стагоддзя Эськільстуна становіцца рэзідэнцыяй герцага Карла, які пабудаваў тут замак Эскільстунахус (згарэў у XVII стагоддзі). У 1659 годзе кароль Карл X Густаў заснаваў на заходнім беразе Эськільстунаон горад, названы ў яго гонар — Карл Густаўсстад, дзе адразу ўзніклі мануфактуры па вытворчасці зброі (у 1833 годзе гэты горад увайшоў у склад Эскільстуны). З канца XVIII стагоддзя Эскільстуна становіцца важным прамысловым цэнтрам (асабліва металургіі) і застаецца ім да 1970-х гадоў, калі шэраг прадпрыемстваў (Carl Gustafs stads gevärsfaktori, Eskilstuna Jernmanufaktur, Nickelfabriks AB Gottfrid Carlsson, Gense, August Stenman і іншыя) сталі зачыняць свае фабрыкі ў Эськільстуне. У 1990-я гады была пракладзена чыгунка Svealandsbanan, што станоўча паспрыяла развіццю горада. Найбольш значнай падзеяй у найсучаснай гісторыі Эскільстуны пакуль з'яўляецца пажар 2009 года ў гатэлі Quality Hotel Statt.

Славутасці

Кляштарная царква (Klosters kyrka)

Кавальні Радэмахера

• Стары горад
• Кляштарная царква (1929)
• Музей горада (шведск.: Eskilstuna stadsmuseum)
• Музей індустрыйнай гісторыі Мунктэльмузэет (шведск.: Munktellmuseet)
• Кавальні Радэмахера (музей; шведск.: Rademachersmedjorna)
• Заапарк Parken Zoo

Вядомыя асобы

• Барбру Колберг (1917—2014) — шведская актрыса.

Цікавыя факты

Каля 10 000 жыхароў Эскільстуны маюць фінскія карані (большасць з іх — гэта дзеці або ўнукі фінскіх рабочых эмігрантаў). Фінская мова і меянкіелі маюць афіцыйны статус у Эскільстуне і некаторых суседніх камунах.

Гарады-пабрацімы

• Лутан, Вялікабрытанія
• Ювяскюля, Фінляндыя
• Ставангер, Нарвегія
• Львоў, Украіна
• Эрланген, Германія
• Эсб’ерг, Данія
• Гатчына, Расія

Спасылкі

• На Вікісховішчы ёсць медыяфайлы па тэме Эскільстуна