Каромка

Вёска Каромка Краіна Беларусь Вобласць Гомельская Раён Буда-Кашалёўскі Сельсавет Рагінскі Каардынаты 52°50′59″ пн. ш. 30°39′55″ у. д. Першая згадка XVIII стагоддзе Колькасць двароў 59 Насельніцтва 96 чалавек (2004) Часавы пояс UTC+3 Тэлефонны код +375 2336 Аўтамабільны код 3 Каромка на карце Беларусі ±

Каро́мка (трансліт.: Karomka, руск.: Коромка) — вёска ў Буда-Кашалёўскім раёне Гомельскай вобласці. Уваходзіць у склад Рагінскага сельсавета.

Геаграфія

Размяшчэнне

У 18 км на паўночны ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 45 км ад Гомеля.

Гідраграфія

На ўсходзе меліярацыйныя каналы.

Транспартная сетка

Транспартныя сувязі па прасёлкавай дарозе, затым па шашы Доўск — Гомель.

Планіроўка складаецца з просталінейнай вуліцы з двума завулкамі, арыентаванай з паўднёвага ўсходу на паўночны захад. Забудова двухбаковая, драўлянымі дамамі сядзібнага тыпу.

Гісторыя

Па пісьмовых крыніцах вядома з канца XVIII стагоддзя як паселішча ў Рагачоўскім павеце Магілёўскай губерні. З 1884 года працаваў хлебазапасны магазін. Па перапісу 1897 года знаходзіліся: школа граматы, вятрак. У 1909 годзе — 398 дзесяцін зямлі, у Кашалёўскай воласці Рагачоўскага павета.

У 1925 годзе ў Забалацкім сельсавеце Буда-Кашалёўскага раёна Бабруйскай акругі. У 1930 годзе арганізаваны калгас «Селянін». Падчас Вялікай Айчыннай вайны 28 лістапада 1943 года вызвалена ад фашысцкіх захопнікаў, 52 жыхары вёскі загінулі на фронце. У 1959 годзе ў складзе калгаса «Рагінь» (цэнтр — вёска Рагінь).

Насельніцтва

Колькасць

• 2004 год — 59 гаспадарак, 96 жыхароў.

Дынаміка

• 1816 год — 30 двароў, 144 жыхары.
• 1858 год — 159 жыхароў.
• 1897 год — 49 двароў, 342 жыхары (паводле перапісу).
• 1909 год — 50 двароў, 443 жыхары.
• 1925 год — 76 двароў.
• 1959 год — 421 жыхар (паводле перапісу).
• 2004 год — 59 гаспадарак, 96 жыхароў.

Вядомыя выхадцы

• Іван Ігнатавіч Шальманаў (1936—1993) — беларускі пісьменнік.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх