Леапольд Аўліх

Леапольд Аўліх
Адукацыя	Магілёўская духоўная семінарыя
Нараджэнне	26 мая 1886(1886-05-26)
Смерць	24 ліпеня 1943(1943-07-24) (57 гадоў) Камень, Івянецкі сельсавет, Валожынскі раён, Баранавіцкая вобласць, БССР, СССР
Пахаванне	Камень

Леапольд Аўліх (26 мая 1886 — 24 ліпеня 1943) — беларускі каталіцкі святар.

Біяграфія

Скончыў Магілёўскую духоўную семінарыю ў Санкт-Пецярбургу. Падчас вучобы кантактаваў з беларускім асяродкам. Прыняў сакрамэнт святарства ў 1917 годзе. У 1919—1926 гадах адміністратар, пробашч касцёла Божага Цела ў мястэчку Давыд-Гарадок Столінскага павета. У 1928 годзе служыў у парафіі Перамянення Пана ў мястэчку Перляева (польск.: Perlejewo). У 1930—1935 гадах душпастыр парафіяльнага касцёла Св. Яна Хрысціцеля ў мястэчку Крывошын Баранавіцкага павета. Потым дэкан парафіі Міхала Арханёла (?) у мястэчку Івянец, пазней пробашч касцёла Св. Апосталаў Пятра і Паўла ў в. Камень.

З пачаткам Другой сусветнай вайны ўдзельнічаў у беларусізацыі каталіцкага Касцёла. Расстраляны немцамі з вікарыем Казімірам Рыбалтоўскім. Пахаваны пры касцёле ў Камені.

Літаратура

• Маракоў, Л. Аўліх Леапольд // Рэпрэсаваныя каталіцкія духоўныя, кансэкраваныя і свецкія асобы Беларусі (1917—1964) / Леанід Маракоў. — Мінск: Смэлтак, 2009. — С. 29. — 776 с. — ISBN 978-985-6917-12-0.
• Каталіцкае духавенства Мінскай дыяцэзіі;
• Elenchus cleri et ecclesiarum archidioeceseos Mohiloviensis;
• Spis kościołów i duchowieństwa diecezji pińskiej;
• Losy Kościoła Katolickiego na Białorusi w latach 1917—1953;
• Garbińsky, Turonak, Białoruski ruch chrześcijański XX wieku.