Марыя Міхайлаўна Бірукова

Марыя Міхайлаўна Бірукова
Нараджэнне	2 чэрвеня 1949(1949-06-02) (74 гады) Лашавічы, Вердаміцкі сельсавет, Свіслацкі раён, Гродзенская вобласць, БССР, СССР
Партыя	КПСС
Адукацыя	Расійская акадэмія дзяржаўнай службы Гродзенскі дзяржаўны ўніверсітэт імя Янкі Купалы
Дзейнасць	палітык, настаўніца
Узнагароды	Грамата Прэзідыума Вярхоўнага Савета БССР Грамата Прэзідыума Вярхоўнага Савета БССР Ганаровая грамата Нацыянальнага сходу Рэспублікі Беларусь

Марыя Міхайлаўна Бірукова (нар. 2 чэрвеня 1949, в. Лашавічы Свіслацкага раёна Гродзенскай вобласці) — беларускі настаўнік і палітык.

Біяграфія

Скончыла Гродзенскі дзяржаўны педагагічны інстытут імя Я.Купалы (настаўнік пачатковых класаў), Акадэмію грамадскіх навук пры ЦК КПСС (вышэйшая партыйнапалітычная адукацыя).

Працоўную дзейнасць пачала загадчыкам Вялікасельскай бібліятэкі Свіслацкага раёна. Працавала настаўніцай Карэвіцкай і Ятвескай васьмігадовых школ, Сакольніцкай сярэдняй школы Свіслацкага раёна. Была загадчыкам аддзела прапаганды і культурна-масавай работы, другім сакратаром Свіслацкага райкама ЛКСМБ, сакратаром, другім і першым сакратаром Гродзенскага абкама ЛКСМБ, сакратаром ЦК ЛКСМБ, сакратаром Гродзенскага абкама КПБ. Займала пасады загадчыка аддзела, начальніка ўпраўлення арганізацыйна-кадравай работы, намесніка старшыні Гродзенскага аблвыканкама. Намеснік старшыні Пастаяннай камісіі Міжпарламенцкай Асамблеі дзяржаў — удзельніц Садружнасці Незалежных Дзяржаў па палітычных пытаннях і міжнароднаму супрацоўніцтву.

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Мае дзве падзякі Прэзідэнта Рэспублікі Беларусь. Узнагароджана ордэнам «Знак Пашаны», ордэнам Пашаны, ордэнам Францыска Скарыны, адзінаццаццю юбілейнымі медалямі, Ганаровай граматай Нацыянальнага сходу Рэспублікі Беларусь, дзвюма ганаровымі граматамі Вярхоўнага Савета БССР, узнагародамі Беларускай праваслаўнай царквы: ордэнам Крыжа прападобнай Ефрасінні Полацкай і ордэнам прападобнай Ефрасінні Полацкай