Марыя Юр’еўна Стэфюк

Марыя Юр’еўна Стэфюк
укр.: Марія Юріївна Стефюк
Дата нараджэння	16 ліпеня 1948(1948-07-16) (75 гадоў)
Месца нараджэння	Рожніў[d], Косіўскі раён, Івана-Франкоўская вобласць, УССР, СССР
Краіна	СССР  Украіна
Альма-матар	Нацыянальная музычная акадэмія Украіны імя Пятра Чайкоўскага (1973)
Месца працы	Нацыянальная музычная акадэмія Украіны імя Пятра Чайкоўскага Нацыянальны акадэмічны тэатр оперы і балета Украіны імя Т. Шаўчэнкі
Музычная дзейнасць
Прафесіі	оперная спявачка, музычны педагог, выкладчыца ўніверсітэта
Пеўчы голас	лірыка-каларатурнае сапрана[d]
Інструменты	вакал
Прэміі
Узнагароды

Марыя Юр’еўна Стэфюк (укр.: Марія Юріївна Стеф’юк; нар. 16 ліпеня 1948) — савецкая і ўкраінская оперная спявачка (лірыка-каларатурнае сапрана). Народная артыстка СССР (1985). Герой Украіны (2008).

Біяграфія

Нарадзілася 16 ліпеня 1948 года ў сяле Рожніў (цяпер Косіўскі раён, Івана-Франкоўская вобласць, Украіна). Вучылася ў Сняцінскім музычна-педагагічным вучылішчы. У 1973 годзе скончыла Кіеўскую кансерваторыю (цяпер Нацыянальная музычная акадэмія Украіны імя П. І. Чайкоўскага) (клас вакалу Н. Захарчанкі). З 1972 па 2013 год — салістка Кіеўскага тэатр оперы і балета ім. Т. Шаўчэнкі, дэбютавала ў партыі Марфы ў оперы Н. А. Рымскага-Корсакава «Царская нявеста».

У 1981 годзе брала ўдзел у Міжнародным фестывалі імя М. П. Мусаргскага, дзе яна выканала партыю Парасі («Сарачынскі кірмаш» М. П. Мусаргскага) на сцэне тэатра «Ла Скала» (Мілан). Выступае ў канцэртах, у асноўным у камерным жанры. Таксама ў рэпертуары творы савецкіх і замежных кампазітараў, украінскія народныя песні. Гастралюе за мяжой: Канада, ЗША, краіны Заходняй Еўропы і інш.

Запісваецца на радыё і кампакт-дыскі.

З 2000 года выкладае на кафедры сольных спеваў у Нацыянальнай музычнай акадэміі Украіны ім. П. Чайкоўскага (прафесар). У 2009 годзе выступіла ў Львоўскай філармоніі разам з капэлай бандурыстаў. З 2010 года — член Камітэта па Нацыянальнай прэміі Украіны імя Тараса Шаўчэнкі.

Літаратура

• Стафю́к Марыя Юр’еўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 182. — 10 000 экз. — ISBN 985-11-0035-8. — ISBN 985-11-0251-2 (т. 15).
• Музыкальная энциклопедия / Под ред. Ю. В. Келдыша. — М.: Советская энциклопедия, Советский композитор, 1973—1982. (руск.)

Спасылкі

• Мария Стефюк // КИНО-ТЕАТР.РУ (руск.)