Мікола Бусько

Мікола Бусько
Асабістыя звесткі
Дата нараджэння	30 верасня 1940(1940-09-30)
Месца нараджэння	Пагарэлка, Мірскі раён, Баранавіцкая вобласць, БССР, СССР
Дата смерці	18 чэрвеня 2023(2023-06-18) (82 гады)
Месца смерці	Баранавічы, Брэсцкая вобласць, Беларусь
Грамадзянства	Беларусь
Альма-матар	Баранавіцкі тэхнікум лёгкай прамысловасці (1962) Завочны народны ўніверсітэт мастацтваў[d] (1967)
Прафесійная дзейнасць
Род дзейнасці	паэт
Гады творчасці	з 1970
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў

Міко́ла Бусько, поўнае імя Мікалай Іосіфавіч Бусько (30 верасня 1940, в. Пагарэлка, Карэліцкі раён, Баранавіцкая вобласць — 18 чэрвеня 2023) — беларускі паэт.

Біяграфія

Нарадзіўся ў сялянскай сям’і. Пасля заканчэння Турэцкай сярэдняй школы Карэліцкага раёна ў 1959—1962 гадах служыў у войску. У 1962 годзе скончыў Баранавіцкі тэхнікум лёгкай прамысловасці, а ў 1967 годзе — выяўленчы факультэт Маскоўскага завочнага народнага ўніверсітэта мастацтваў. У 1963—1965 гадах працаваў рабочым на лесагандлёвай базе. У 1965—1967 гадах быў афарміцелем у Доме афіцэраў, у 1967—1976 гадах — на мясакамбінаце, з 1976 года — афарміцель аўтобуснага парка ў Баранавічах.

Член Саюза пісьменнікаў СССР з 1989 года.

Памёр 18 чэрвеня 2023 года ў Баранавічах.

Творчасць

Першыя вершы апублікаваў у 1970 годзе ў раённым друку.

Член Саюза беларускіх пісьменнікаў з 1989 года.

Вершы друкаваў у часопісах «Полымя», «Беларусь», «Маладосць», газеце «Літаратура і мастацтва», а таксама ў калектыўных зборніках «Дзень паэзіі», «Паэзія Берасцейшчыны».

Аўтар кнігі паэзіі «У Нёмна на плячах» (1986), «Ад галінкі да сучка — тэлефон у павучка» (1993), «Сузор’е Шаляў» (1995), «Шасцікрылец Хмарагон» (1997).

У 2012 годзе ўзнагароджаны літаратурнай прэміяй імя У. Калесніка за кнігу прозы «Сляды ад верасня».