Рычард Брынслі Шэрыдан

З пляцоўкі Вікіпедыя
Перайсці да: рух, знайсці
Рычард Брынслі Шэрыдан

Рычард Брынслі Шэрыдан (англ.: Richard Brinsley Sheridan, 30 кастрычніка 1751 — 7 ліпеня 1816) — англа-ірландскі пісьменнік і палітык-ліберал.

Біяграфічныя звесткі[правіць | правіць зыходнік]

Вучыўся ў прывілеяванай школе Хараў, вывучаў права ў Лондане. У 1780—1812 член парламента, адзін з лідэраў радыкальнага крыла партыі вігаў, вядомы сваімі дэмакратычнымі поглядамі. 3 1774 займаўся драматургіяй. У 1776—1809 узначальваў тэатр «Друры-Лейн».

Творчасць[правіць | правіць зыходнік]

Стварыў «вясёлую камедыю», якая наблізіла англійскую драматургію да рэалістычнай. У ранніх творах завастраў увагу на маральньк праблемах свайго часу, высмейваў норавы вышэйшага свету (камедыя «Сапернікі», фарс «Дзень святога Патрыка, альбо Прадпрымальны лейтэнант», камічная баладная опера «Дуэнья», усе паст. 1775); у позніх — дэманстраваў канфлікт грошай і маралі, ствараў сацыяльныя камедыі («Паездка ў Скарбара», «Школа зласлоўя», абедзве паст. 1777; «Крытык», паст. 1779). Камедыі Р. Шэрыдана вызначаюцца дасціпнасцю, выразнасцю, парадаксальнымі сітуацыямі, кантрастам у дзеянні і характарах, двухпланавасцю кампазіцый.

Літаратура[правіць | правіць зыходнік]

  • Рагачэўская М. Шэрыдан // БЭ ў 18 тамах, Т.18, кн.1. Мн., 2004, С.33