Свята-Мікалаеўская царква (Узмёны)

Праваслаўны храм
Свята-Мікалаеўская царква
55°44′24″ пн. ш. 27°55′20″ у. д.
Краіна	Беларусь
Вёска	Узмёны
Канфесія	Праваслаўе
Епархія	Полацкая і Глыбоцкая
Благачынне	Мёрскае
Архітэктурны стыль	рэтраспектыўна-рускі
Дата пабудовы	1882 год
Статус	Гісторыка-культурная каштоўнасць Беларусі, шыфр 213Г000568
Стан	дзейнічае
Медыяфайлы на Вікісховішчы

Свята-Мікалаеўская царква — праваслаўны храм у вёсцы Узмёны Мёрскага раёна Віцебскай вобласці. Размяшчаецца ў цэнтры вёскі.

Гісторыя

Царква ў 1910 годзе

Пабудавана ў 1882 годзе з цэглы.

Архітэктура

Помнік архітэктуры рэтраспектыўна-рускага стылю. Аб’ёмна-прасторавая кампазіцыя чатырохчасткавая: званіца (васьмярык на чацверыку), нізкая трапезная, кубападобная малітоўная зала, пяцігранная апсіда з рызніцай. Шацёр званіцы і пакаты чатырохсхільны дах асноўнага аб’ёму завершаны цыбулепадобнымі галоўкамі. Элементы архітэктурнага дэкору (аркатурныя фрызы, лапаткі, ліштва лучковых аконных праёмаў) выкананы цаглянай муроўкай.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл. — С. 314
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Мікалаеўская царква (Узмёны)
• Свята-Мікалаеўская царква (Узмёны) на сайце Глобус Беларусі (руск.)
• Свята-Мікалаеўская царква (Узмёны) на сайце Radzima.org
• Свята-Мікалаеўская царква (Узмёны) на сайце «Архіварта»