Турайдскі замак

замак
Турайдскі замак
лат.: Turaidas pils, ням.: Burg Treiden
57°10′56″ пн. ш. 24°51′01″ у. д.
Краіна	Латвія
Месцазнаходжанне	Сігулда
Архітэктурны стыль	цагляная готыка
Першае згадванне	1214
Дата заснавання	1214
Будаўніцтва	1214 — XVI стагоддзе
Матэрыял	цэгла
Сайт	turaida-muzejs.lv/home_e…
Медыяфайлы на Вікісховішчы

Тура́йдскі замак (лат.: Turaidas pils), або Тра́йдэнскі замак (ням.: Burg Treiden) — нямецкі цагляны замак у Лівоніі (сучасная Латвія, Сігулдскі край, горад Сігулда, мясцовасць Турайда). Заснаваны ў 1214 годзе па загадзе рыжскага біскупа Альберта фон Буксгеўдэна як фарпост у ліўскай Таарскай зямлі (Трайдэне). Будаўніцтва завершана ў XVI стагоддзі. Згарэў у 1776 годзе. Сучасны выгляд набыў пасля рэстаўрацыі 1973 года.

Гісторыя

Пабудаваны на месцы зруйнаванага лівамі драўлянага замка ліўскага князя Каўпа. Замак будаваўся паступова (да XVI стагоддзя) і быў адной з рэзідэнцый рыжскага біскупа. Пасля распаду Лівонскай дзяржавы стаў часткай уласнасці маёнтка Турайда.

Замак згарэў падчас пажару ў 1776 годзе. Рамантычныя руіны прываблівалі турыстаў у XVIII і XIX стагоддзях. У 1936 годзе ў круглай вежы была пабудавана аглядная пляцоўка. У 1973 годзе пачаліся археалагічныя даследаванні і рэстаўрацыя замка, якая цягнулася 25 гадоў. У прыватнасці, цалкам была адноўлена галоўная вежа замка, вышыня якой дасягае 38 метраў.

У 1988 годзе на прылеглай да замку тэрыторыі быў заснаваны Турайдскі музей-запаведнік.

Гл. таксама

• Сігулдскі сярэдневяковы замак
• Сігулдскі замак

Спасылкі

• На Вікісховішчы ёсць медыяфайлы па тэме Турайдскі замак
• Вэб-сайт Турайды
• Турайдскі музей-запаведнік
• Сайт пра сярэдневяковыя замкі Латвіі