Уцёс (Баранавіцкі раён)

Вёска Уцёс Краіна Беларусь Вобласць Брэсцкая Раён Баранавіцкі Сельсавет Малахавецкі Каардынаты 52°57′53″ пн. ш. 25°55′49″ у. д. Насельніцтва ▼191 чал. (2019) Часавы пояс UTC+3 Тэлефонны код +375 163 Паштовыя індэксы 225353 Аўтамабільны код 1 СААТА 1204839063 Уцёс на карце Беларусі ±

Уцёс (трансліт.: Ucios, руск.: Утёс) — вёска ў Баранавіцкім раёне Брэсцкай вобласці. Уваходзіць у склад Малахавецкага сельсавета. Размешчана за 26 км на паўднёвы захад ад Баранавіч, за 14 км ад чыгуначнай станцыі Лясная на лініі Баранавічы—Брэст, на аўтадарозе Брэст—Слуцк.

Гісторыя

Паводле перапісу 1897 года ў Востраўскай воласці Навагрудскага павета Мінскай губерні, дзейнічалі хлебазапасны магазін, крама, карчма. У пачатку XX ст. адкрыта народнае вучылішча.

З 1921 года ў складзе Польшчы, вёска Востраўскай гміны Баранавіцкага павета Навагрудскага ваяводства.

З 1939 года ў БССР. З 12 кастрычніка 1940 года цэнтр сельсавета Навамышскага раёна Баранавіцкай, з 8 студзеня 1954 года Брэсцкай абласцей, з 8 красавіка 1957 года Баранавіцкага раёна.

У Вялікую Айчынную вайну з канца чэрвеня 1941 года да 8 ліпеня 1944 года акупіраваны нямецка-фашысцкімі захопнікамі. На франтах вайны загінула 40 аднавяскоўцаў. Пасля вайны створаны калгас.

У 1972 годзе далучаны суседнія вёскі Гайкоўцы, Забярвечча, Хваявата.

Да 26 чэрвеня 2013 года вёска ўваходзіла ў склад Уцёскага сельсавета.

Інфраструктура

Працуюць выканкам сельсавета, саўгасная сядзіба, майстэрні па рамонце с.-г. тэхнікі, ветэрынарны ўчастак, Дом быту, лесапільня, сярэдняя школа, клуб, бібліятэка, аддзяленне сувязі, аўтаматычная тэлефонная станцыя, магазін, фельчарска-акушэрскі пункт.

Насельніцтва

• XIX стагоддзе:
  • 1897 — 105 двароў, 732 жыхары.
• XX стагоддзе:
  • пачатак XX ст. — 158 двароў, каля 970 жыхароў.
  • 1921 — 68 дамоў, 545 жыхароў.
  • 1939 — 970 жыхароў.
  • 1959 — 502 жыхароў.
  • 1970 — 836 жыхароў.
  • 1998 — 236 двароў, 249 жыхароў.
• XXI стагоддзе:
  • 2005 — 408 жыхароў, 189 гаспадарак.

Славутасці

• Брацкая магіла савецкіх воінаў (1944) —  Гісторыка-культурная каштоўнасць Беларусі, шыфр 113Д000069
• Курган Славы.
• На вясковых могілках пахавана жыхарка Уцёса, адна з арганізатараў першага калгаса Е. С. Кузьміна, якую ў снежні 1950 года забілі бандыты.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх