Фларыян Выганоўскі

Фларыян Выганоўскі
Фларыян Выганоўскі
Дата нараджэння	4 чэрвеня 1854
Месца нараджэння	Котра, Скідзельская воласць[d], Гродзенскі павет, Гродзенская губерня, Літоўскае генерал-губернатарства, Расійская імперыя;
Дата смерці	не раней за 1914 і не пазней за 1929
Бацька	Канстанцін Тамаш Выганоўскі[d]
Альма-матар	Рыжскае політэхнічнае вучылішча[d] (15 верасня 1877, 1879); Акадэмія Генеральнага штаба[d] (1880-я);
Член у	Arkonia[d];
	Медыяфайлы на Вікісховішчы

Фларыян Канстанцінавіч Выганоўскі (польск.: Florjan Wyganowski, руск.: Флориан Константинович Выгановский, лат.: Florians fon Viganovskis, 4 чэрвеня або 4 ліпеня^[1] 1854 — паміж 1914^[1] і 1929^[2]) — латвійскі архітэктар беларускага паходжання.

Біяграфія[правіць | правіць зыходнік]

Паходзіў са шляхецкага роду Выганоўскіх герба «Ладдзя»^[3]. Нарадзіўся 4 чэрвеня або 4 ліпеня^[1] 1854 года ў набытым бацькам маёнтку Котра Гродзенскага павета^[4]. Сын Канстанціна Тамаша Выганоўскага, пісьмаводца Гродзенскай урачэбнай управы^[3], і Антаніны з Ядкоўскіх ў шляхецкай сям’і. Католік.

Скончыў Рыжскае павятовае вучылішча (Kreisschule). У 1872 г. ён паступіў на падрыхтоўчае аддзяленне Рыжскай палітэхнікі. У 1873-1877 гг. навучаўся на асноўным аддзяленні па інжынернай спецыяльнасці^[2], якое скончыў 15 верасня 1877 г. з дыпломам 1-й ступені, апошнія два гады быў стыпендыятам. Пасля гэтага яшчэ два гады, з 1877 па 1879 гады, вывучаў там жа землеўпарадкаванне^[2]. У 1879 годзе быў сузаснавальнікам польскай акадэмічнай карпарацыі Arkonia^[2].

Пазней навучаўся ў Мікалаеўскай ваеннай акадэміі^[4].

З 1880 па 1887 гг. служыў 2-м чыгуначным батальёне, які дыслакаваўся ў Баранавічы, даслужыўся да паручніка. Адначасова з 1881 па 1906^[5] трымаў уласнае тэхнічнае бюро ў Рызе. У 1889 г. прайшоў стажыроўку ў Германіі і Францыі^[6].

З 1902 г. кіраваў уласным маёнткам Котра ў Гродзенскай губерні^[6].

Інфармацыя пра жыццё пасля 1914 г. адсутнічае.

Творчасць[правіць | правіць зыходнік]

Некаторыя будынкі[правіць | правіць зыходнік]

Касцёл Святога Францішка, Рыга (1892)
Касцёл Найсвяцейшага Сэрца Ісуса, Віляка, цяперашняя Латвія (1890)
Пяціпавярховы будынак з крамамі, Рыга, Pulkveža Brieža ielā 2 (1883)
Жылы будынак, Рыга, Brīvības gatvē 206 (1895)
Касцёл Святых Апосталаў Пятра і Паўла (Каўнас) — праект капліцы (1894)
Царква Усіх Святых, Ёсвайны, Кейданскі раён, цяперашняя Літва (1903)
Кафедра Святога Сэрца, Рэжыца (1904)
Касцёл Святой Тройцы, Пабіржы, Біржаўскі раён, цяперашняя Літва (1910)
Касцёл Св. Язэпа, Панямунак, Рокішкіскі раён, цяперашняя Літва (1911)
Касцёл Св. апостала Мацея Евангеліста, Новае Места, Панявежыскі раён, цяперашняя Літва (1908)
Касцёл Св. Казіміра, Камаі, Рокішкіскі раён, цяперашняя Літва (1909)

Нерэалізаваныя праекты[правіць | правіць зыходнік]

Касцёл Найсвяцейшай Дзевы Марыі і Святога Яна Непамука, Вялікія Эйсманты — праект рэканструкцыі
Касцёл Святых Апосталаў Пятра і Паўла (Каўнас) — праект рэканструкцыі

Прыпісваюцца[правіць | правіць зыходнік]

Пахавальня роду Выганоўскіх у в. Кашубінцы^[7].

Галерэя[правіць | правіць зыходнік]

Касцёл Найсвяцейшага Сэрца Ісуса, Віляка
Кафедра Святога Сэрца, Рэжыца
Касцёл Святой Тройцы, Пабіржы
Касцёл Св. Язэпа, Панямунак
Касцёл Св. апостала Мацея Евангеліста, Новае Места
Касцёл Св. Казіміра, Камаі
Касцёл Найсвяцейшай Дзевы Марыі і Святога Яна Непамука, Вялікія Эйсманты — нерэалізаваны праект рэканструкцыі