Фронт СПА

Група навядзення зенітнага разліку пры абароне Масквы, 1 лістапада 1941 года, фота Алег Кнорынг.

На баявым дзяжурстве, ваеннаслужачыя СПА РСЧА, Ленінград, 1 мая 1942 года, фота Барыс Кудаяраў.

Ваеннаслужачыя ўстанлёўваюць аэрастат загараджэння, Масква, 20 чэрвеня 1942 года, фота Уладзімір Граноўскі.

Фронт СПА — аператыўна-стратэгічнае аб'яднанне (фронт) войскаў СПА ва ўзброеных сілах СССР, у час Вялікай Айчыннай вайны, прызначанае для абароны ад паветранага нападзення праціўніка буйных адміністрацыйна-палітычных і эканамічных цэнтраў, найважнейшых прамысловых раёнаў, камунікацый і іншых стратэгічных аб'ектаў у глыбокім тыле і на тэатры ваенных дзеянняў.

Франты СПА былі толькі ў РСЧА.

Фарміраванні

Першым у красавіку 1942 года быў створаны Маскоўскі фронт СПА. У чэрвені 1943 года войскі СПА краіны, якія дзейнічалі на Еўрапейскай частцы СССР, былі падзеленыя на Заходні фронт СПА і Усходні фронт СПА. На базе іх у сакавіку 1944 года створаны Паўночны фронт СПА, Паўднёвы фронт СПА і Закаўказскі фронт СПА. З канца 1944 года, у складзе РСЧА, дзейнічалі чатыры фронту СПА:

• Заходні фронт СПА
• Паўднёва-Заходні фронт СПА
• Закаўказскі фронт СПА
• Цэнтральны фронт СПА

Склад

Зенітны пражэктар

У залежнасці ад важнасці выполняемых задач, наяўнасці сіл і сродкаў у састаў фронту СПА ўваходзілі:

• упраўленне (штаб)
  • адзін — два знішчальныя авіяцыйныя карпусы
    • 6 — 12 знішчальных авіяцыйных дывізій
• 3 — 7 карпусоў СПА
• адна — 7 дывізій СПА
• адна — дзве брыгады СПА
• часці тылу і спецыяльных войскаў

У склад фронту СПА магла ўключацца армія СПА і паветраная знішчальная армія.

У складзе фронту СПА налічвалася каля:

• 1 000 і больш самалётаў-знішчальнікаў
• 4 000 — 4 500 зенітных гармат
• да 2 800 зенітных кулямётаў
• 900 — 1 600 зенітных пражэктараў
• да 1 800 аэрастатаў загараджэння

Літаратура

• Фронт ПВО // Великая Отечественная война, 1941—1945 : энциклопедия / под ред. М. М. Козлова. — М. : Советская энциклопедия, 1985. — С. 763. — 500 000 экз.
• Светлишин Н. А. Войска ПВО страны в Великой Отечественной войне. — М.: Наука, 1979. — 296 с.

Спасылкі

• Карэнная рэарганізацыя структуры СПА краіны ў 1941-1942 гг.