Mac OS

З Вікіпедыя.

Mac OS (Macintoshis Operating System) - гэта гандлёвая марка серыі арыентаваных на графічны інтэрфейс карыстальніка аперацыйных сістэм, распрацаваных карпарацыяй Apple (былая Apple Computer) для сваёй лінейкі камп'ютэраў Macintosh. Вопыт карыстальнікаў Macintosh, як лічыцца, зрабіў важкі унёсак у папулярызацыю графічных інтэрфейсаў. Пачаткова тое, што пазней атрымала назву "Mac OS", было неад'емнай і безназоўнай часткай камп'ютэра Macintosh, упершыню прадстаўленага ў 1984 г.

Apple наўмысна не акцэнтавала увагу на аперацыйнай сістэме ў першых Макінтошах, каб падкрэсліць іх арыентаванасць на простага карыстальніка, а таксама адмежавацца ад іншых аперацыйных сістэм, такіх як MS-DOS. Большая частка сістэмнага праграмнага забеспячэння утрымлівалася ў пастаяннай памяці, а абнаўленні пастаўляліся праз дылераў Apple на гнуткіх дысках. З павялічэннем ёмістасці і хуткадзейнасці жорсткіх дыскаў знікае патрэба ў тым, каб утрымліваць вялікую частку праграмнага забеспячэння ў пастаяннай памяці, і Apple пераходзіць на другую схему, пачаткова пазіцыяніруючы буйныя абнаўленні аперацыйнай сістэмы як аддзелены прадукт, пачынаючы з System 7 і System 7.5, потым Mac OS 7.6 у 1997 г.

Першыя версіі Mac OS працавалі толькі на камп'ютэрах Macintosh з працэсарам Motorola 68000. Пазней з'явілася падтрымка архітэктуры PowerPC. Сучасная АС карпарацыі, Mac OS X, працуе на працэсарах PowerPC і Intel.

[правіць] Рознае

Адметнасцю графічнага інтэрфейсу "Макінтошаў" было выкарыстанне "мышы" з толькі адной кнопкай, у той час, як іншыя графічныя асяроддзі выкарыстоўвалі "мышы" з дзвюма кнопкамі.

У наш час кампанія "Эпл" дазваляе бясплатна браць сістэму версіі 7.5 са сваёй сеціўнай пляцоўкі.