MS-DOS

З пляцоўкі Вікіпедыя.
Перайсці да: рух, знайсці
100px
MS-DOS
300px
MS-DOS 7.1 пасля загрузкі
Распрацоўшчык

Microsoft

Сямейства АС

DOS

Апошняя версія

8.0 — 14 верасня 2000

Тып ядра

Маналітнае ядро

Ліцэнзія

Уласніцкая

Стан

Гістарычны

MS-DOS (скарачэнне ад Microsoft Disk Operating System) - гэта аперацыйная сістэма, камерцыйны прадукт фірмы Microsoft. MS-DOS была найбольш часта ўжываемым прадстаўніком сям'і аперацыйных сістэмаў DOS на PC-сумяшчальных камп'ютарах у 1980-х. Паступова была замененая рознымі пакаленнямі аперацыйнай сістэмы Windows, хаця версіі па Windows 98 уключна уяўлялі сабой надбудову над MS-DOS.

Першае выданне MS-DOS адбылося ў 1981 годзе. Да сканчэння распрацоўкі ў 2000 г. было выдадзена восем асноўных версій. АС MS-DOS адыграла ключавую ролю ў росце Microsoft з кампаніі, якая займалася мовамі праграмавання, у вытворца разнастайнага праграмнага забеспячэння, забяспечыўшы выдатныя даследчыя і маркетынгавыя рэсурсы. Таксама з'яўлялася падмуркам для працы ранніх версій аперацыйнай сістэмы Windows.

Магчымасці[правіць | правіць зыходнік]

Інтэрфейс карыстальніка[правіць | правіць зыходнік]

MS-DOS выкарыстоўвае інтэрфейс загаднага радка і апрацоўку загадных скрыптаў праз свой інтэрпрэтатар загадаў, command.com. Дызайн сістэмы дазваляе з лёгкасцю замяняць інтэрпрэтатар загаднага радка на іншы, напрыклад, 4DOS.

Пачынаючы з версіі 4.0, MS-DOS уключае DOS Shell, кіраўнік файлаў з псеўдаграфічным тэкставым інтэрфейсам карыстальніка, які ўключае меню, раздзельныя вокны, каляровыя тэмы і падтрымку мышы, з выкарыстаннем псеўдаграфікі тэкставага рэжыму.

Выкананне задач[правіць | правіць зыходнік]

MS-DOS не распрацоўвалася як шматкарыстальніцкая ці шматзадачная аперацыйная сістэма, але многа намаганняў было зроблена, каб дадаць магчымасці такога кшталту. Сістэмныя выклікі тыпу Terminate and Stay Resident (TSR) першапачаткова былі створаныя для драйвераў прыладаў і плагінаў пашырэнняў. Дадатковыя асяроддзі, такія як TopView і DESQview, спрабавалі прадстаўляць шматзадачнасць, і дасягнулі пэўных поспехаў пазней, з выкарыстаннем рэжыму віртуальнага 8086 працэсара і віртуальнай памяці ў працэсарах Intel 80386 і болей позніх.