Мікалай Пятровіч Кішка

Мікалай Кішка
польск.: Mikołaj Kiszka
Герб «Дуброва»
8-ы Ваявода падляшскі 1569 — 1587
Папярэднік	Васіль Тышкевіч
Пераемнік	Станіслаў Радзімінскі
Нараджэнне	1524 ці 1524 Драгічын, Польшча
Смерць	1587(1587)
Род	Кішкі
Бацька	Пётр Станіслававіч Кішка
Маці	Алена з Ільінічаў
Жонка	Марына Заслаўская Барбара Хадкевіч
Дзеці	Барбара, Ганна, Мікалай

Мікалай Кішка (? — 1587) — дзяржаўны дзеяч Вялікага Княства Літоўскага, Рэчы Паспалітай.

Крайчы ВКЛ з 1552, падчашы ВКЛ з 1555. У 1569 дзякуючы падтрымцы планаў па збліжэнні ВКЛ з Польшчай стаў ваяводам падляшскім (гэтае ваяводства перайшло ў склад каронных зямель). Заставаўся ваяводам падляшскім да канца жыцця.

Сям'я

Сын троцкага кашталяна Пятра Кішкі і Алены Ільініч, дачкі дворнага літоўскага маршалка Юрыя Іванавіча Ільініча. Меў братоў Станіслава і Пятра.

Быў двойчы жанаты. Першы раз ажаніўся ў 1555 з Марынай Заслаўскай, якая памерла ў 1563. Другі шлюб узяў з Барбарай Хадкевіч, дачкой віленскага кашталяна Гераніма Хадкевіча. Меў дачок Барбару (жонка Юрыя Алелькавіча), Ганну (жонка Стэфана Пецея) і сына Мікалая.

Крыніцы

• Кішкі // Вялікае княства Літоўскае: Энцыклапедыя. У 3 т.. — Мн.: Беларуская Энцыклапедыя.

Спасылкі

• Генеалогія Кішкаў