Шукальнікі шчасця

«Шукальнікі шчасця»
Жанр	камедыя
Рэжысёр	Уладзімір Уладзіміравіч Корш-Саблін Іосіф Саламонавіч Шапіра[d]
Сцэнарыст	Іаган Майсеевіч Зэльцэр[d] Рыгор Якаўлевіч Кобец
У галоўных ролях	Марыя Блюменталь-Тамарына[d]
Аператар	Б. Рабаў
Кампазітар	Ісак Восіпавіч Дунаеўскі
Кінакампанія	Беларусьфільм
Працягласць	80 хв.
Краіна	СССР
Мова	руская
Год	7 кастрычніка 1936
IMDb	ID 0026119

«Шукальнікі шчасця» (іншыя назвы: Стварэнне свету, Сям'я, Бірабіджан) — фільм беларускага рэжысёра Уладзіміра Корша-Сабліна аб яўрэях-перасяленцах, якія пераехалі ў бірабіджанскі калгас «Ройтэ-Фелд».

Сюжэт

У 1928 годзе сям'я старой Двойры — дочкі Роза і Бася, сын Лёва і зяць Піня (муж Басі) прыязджаюць з-за мяжы (адкуль менавіта, не гаворыцца) на Далёкі Усход. Там яны ўступаюць у калгас «Ройтэ Фелд» і пачынаюць працаваць. Роза закахалася ў мясцовага рыбака Карнея. Аднак Піня не жадае працаваць. Ён хоча знайсці золата і збегчы з ім у Кітай, каб адкрыць там фабрыку і стаць «каралём шлеек». Калі Лёва раскрывае яго задуму, Піня амаль забівае яго і збягае. Падазрэнне падае на Карнея. На мяжы Піню ловяць, а золата, якое ён намыў, аказваецца падманкай. Адначасна разгортваюцца адносіны Басі і старшыні калгасу Натана. Фільм заканчваецца вяселлем Карнея і Розы.

У ролях

• М. М. Блюменталь-Тамарына — Двойра
• У. Л. Зускін — Піня
• Л. А. Шміт — Роза
• Л. М. Таіц — Бася
• Аляксандр Караў — Натан
• С. К. Яраў — Карней
• Барыс Жукоўскі — бацька Карнея
• Іона Бій-Бродскі — Шлёма

Здымачная група

• Аўтар сцэнарыя: Іаган Зэльцэр, Рыгор Кобец
• Рэжысёры: Уладзімір Корш-Саблін
• Аператар: Б.Рабаў
• Мастак: В. Пакроўскі
• Кампазітар: І. В. Дунаеўскі
• Аўтар тэкстаў песень: Уладзімір Валжэнін
• Гукарэжысёр: Н. Косараў

Гл. таксама

• Спіс беларускіх фільмаў

Літаратура

• Игорь Авдеев, Лариса Зайцева Все белорусские фильмы : каталог-справочник. Игровое кино (1926—1970). — Минск: Беларуская навука, 2001. — Т. 1. — 240 с. — ISBN 985-08-0023-2