Уладзімір Уладзіміравіч Корш-Саблін

Уладзімір Корш-Саблін
Уладзімір Уладзіміравіч Корш-Саблін.
Імя пры нараджэнні	Уладзімір Уладзіміравіч Саблін
Дата нараджэння	16 (29) сакавіка 1900(1900-03-29)
Месца нараджэння	Масква, Маскоўская губерня, Расійская імперыя
Дата смерці	6 ліпеня 1974(1974-07-06) (74 гады)
Месца смерці	Мінск, БССР, СССР
Месца пахавання	Усходнія могілкі
Грамадзянства	Расійская імперыя СССР
Месца працы	Беларусьфільм
Прафесія	кінарэжысёр, акцёр
Кірунак	сацыялістычны рэалізм
Прэміі
Узнагароды
IMDb	ID 0466691

Уладзімір Уладзіміравіч Корш-Саблін (сапраўднае прозвішча — Саблін; 1900—1974) — савецкі беларускі кінарэжысёр, акцёр кіно.

Лаўрэат Сталінскай прэміі трэцяй ступені (1950). Народны артыст СССР (1969). Член ВКП (б) з 1948. Адзін з заснавальнікаў беларускага кіно.

Біяграфія

Уладзімір Уладзіміравіч Корш-Саблін нарадзіўся 16 (29) сакавіка 1900 у Маскве. У 1917 пачаў творчую дзейнасць як акцёр тэатра, у кіно прыйшоў у 1923.

Корш-Саблін здымаў камедыі, фільмы-драмы, біяграфічныя фільмы. У 1945—1960 і 1969—1974 — мастацкі кіраўнік кінастудыі «Беларусьфільм». З 1957 старшыня Аргбюро СПК Беларусі. З 1965 года быў першым сакратаром СК Беларусі.

Уладзімір Уладзіміравіч Корш-Саблін памёр 6 ліпеня 1974. Пахаваны ў Мінску на Усходніх могілках.

Прызнанне і ўзнагароды

Мемарыяльная дошка Уладзіміру Корш-Сабліну на будынку Беларусьфільма

• Сталінская прэмія трэцяй ступені (1950) — за фільм «Канстанцін Заслонаў» (1949).
• Дзяржаўная прэмія Беларускай ССР (1967) — за фільм «Масква — Генуя» (1964).
• Народны артыст СССР (1969).
• Ордэн Леніна.
• Ордэн Кастрычніцкай Рэвалюцыі.

Спасылкі

• Гэта мы: Закліканы рэвалюцыяй Архівавана 2 красавіка 2010.