Свята-Мікалаеўская царква (Пескі)

Праваслаўны храм
Свята-Мікалаеўская царква
53°21′17″ пн. ш. 24°37′38″ у. д.
Краіна	Беларусь
Аграгарадок	Пескі
Канфесія	Праваслаўе
Епархія	Гродзенская і Ваўкавыская
Благачынне	Мастоўскае
Архітэктурны стыль	рэтраспектыўна-рускі стыль
Архітэктар	Мікалай Ільіч Ціхвінскі
Будаўніцтва	1868—1870 гады
Стан	дзейнічае
Медыяфайлы на Вікісховішчы

Свята-Мікалаеўская царква — праваслаўны храм у аграгарадку Песках Мастоўскага раёна Гродзенскай вобласці. Знаходзіцца ў цэнтры вёскі.

Гісторыя

Пабудавана ў 1868—1870 гадах на месцы драўлянага струхлелага храма па праекце гродзенскага архітэктара Мікалая Ціхвінскага. Грошы на ўзвядзенне — 8634 рублёў — былі выдзелены ўладальнікам маёнтка Масты Аляксандрам Азнабішыным.

Архітэктура

Інтэр'ер

Святая Параскева са Свята-Мікалаеўскай царквы. 1642. МСБК НАН

Помнік архітэктуры сінадальнага напрамку рэтраспектыўна-рускага стылю. У аснове кампазіцыі кубападобны аб'ём малітоўнай залы, над чатырохсхільным дахам якога ўзведзены цыбулепадобны купал на васьмігранным барабане. Да аб'ёму далучаны паўкруглая апсіда і прамавугольная трапезная. Да фасада дабудавана двух'ярусная (васьмярык на чацверыку) шатровая званіца з макаўкай. Фасады крапаваны вуглавымі лапаткамі і аркатурнымі фрызамі, расчлянёны арачнымі аконнымі праёмамі ў кілепадобных ліштвах, арачны ўваходны праём аформлены кілепадобным парталам. У бутавую агароджу ўбудавана 3-арачная брама.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Мікалаеўская царква (Пескі) на сайце Глобус Беларусі (руск.)
• Свята-Мікалаеўская царква (Пескі) на сайце Radzima.org