Тышка Каленікавіч

Тышка Каленіковіч
Тышка Каленіковіч
Герб «Ляліва»
Нараджэнне	каля 1452
Смерць	каля 1501
Род	Тышкевічы
Бацька	Каленік Каленікавіч[d]
Дзеці	Іван, Гаўрыла, Міхал, Васіль, Барыс

Тышка Каленіковіч (Цімафей; каля 1452 — каля 1501) — дзяржаўны дзеяч Вялікага Княства Літоўскага.

Меў маёнткі ў Кіеўскай зямлі. Ад яго імя ўтварылася прозвішча роду Тышкевічаў.

Біяграфія

Сын Каленіка Мішкавіча, якому вялікі князь Свідрыгайла перадаў сёлы ў Жытомірскім і Оўруцкім паветах, а таксама маёнтак Чарталесы. Меў 6 або 7 сыноў, якія па бацьку называліся Тышковічамі ці Тышкевічамі, апошняе замацавалася ў іх і іх нашчадкаў у якасці прозвішча.

Адзін з сыноў Тышкі — Васіль Тышкевіч († 1571), на той час ваявода падляскі, атрымаў у 1569 годзе ад вялікага князя Жыгімонта Аўгуста тытул графа «на Лагойску і Бярдычаве». У Расійскай імперыі графскі тытул быў прызнаны за некаторымі асобамі ўказамі 1861 і 1862. Найвышэй зацверджаным у 1902 меркаваннем Дзяржаўнай Рады ўсім асобам, якія зацверджаны ў расійскім дваранстве і паходзяць ад Васіля Тышкевіча, дазволена ад часу далучэння да роду карыстацца ў Расійскай імперыі графскім тытулам.

Літаратура

• Грыцкевіч А. Тышкевічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 681. — 792 с. — ISBN 985-11-0378-0 (т. 2), ISBN 985-11-0315-2.