Ёсеф Гора

Ёсеф Гора
Josef Hora
Асабістыя звесткі
Дата нараджэння	8 ліпеня 1891(1891-07-08)[…]
Месца нараджэння	Добржынь[d], раён Літамержыцы[d]
Дата смерці	21 чэрвеня 1945(1945-06-21)[…] (53 гады)
Месца смерці	Прага, Чэхаславакія
Пахаванне	Вышаградскія могілкі
Грамадзянства	Аўстра-Венгрыя Чэхаславакія
Жонка	Zdena Horová[d]
Альма-матар	Gymnázium Roudnice nad Labem[d]
Прафесійная дзейнасць
Род дзейнасці	паэт, празаік
Гады творчасці	з 1915
Кірунак	сацыялістычны рэалізм
Мова твораў	чэшская
Грамадская дзейнасць
Партыя	Камуністычная партыя Чэхаславакіі
Узнагароды	Народны артыст Чэхаславакіі[d] (22 чэрвеня 1945)
Подпіс
Медыяфайлы на Вікісховішчы

Ёсеф Гора (чэшск.: Josef Hora; 8 ліпеня 1891, м. Добржынь каля г. Роўдніцы, Чэхія, Аўстра-Венгрыя — 21 чэрвеня 1945) - чэшскі паэт і празаік. Народны мастак Чэхаславакіі (1945). Удзельнічаў у акцыях пратэсту супраць нацыянальнага і сацыяльнага ўціску ў Заходняй Беларусі.

Творчасць

На яго раннія паэтычныя творы (зборнік «Вершы», 1915) паўплывалі падзеі Першай сусветнай вайны. У 1918—1920 гг. адзін з тэарэтыкаў пралетарскага мастацтва і рэвалюцыйнай паэзіі. Аўтар зборнікаў «Працоўны дзень» (1920), «Сэрца і хаос свету» (1922), «Бурлівая вясна» (1923), кнігі прозы «Сацыялістычная надзея» (1922), рамана «Галодны год» (1926) і інш. Зборнікі вершаў «Махоўскія варыяцыі», «Ціхія пасланні» (абодва 1936), «Родны дом» (1938), «Запіскі з немачы» (1945), паэма «Ян-скрыпач» (1939) прасякнуты філасофскім роздумам пра сэнс чалавечага існавання, лёс айчыны і чэшскага народа.

Перакладаў на чэшскую мову вершы Я. Купалы, А. Пушкіна, М. Лермантава, С. Ясеніна. Напісаў артыкул «Беларускія пісьменнікі ў Празе» (1927; пра Я. Купалу, М. Чарота, М. Зарэцкага). На беларускую мову яго творы перакладалі Х. Жычка, С. Панізнік і інш.

Літаратура

• Гора Іосеф. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• На Вікісховішчы ёсць медыяфайлы па тэме Ёсеф Гора