Іван Караджаў

Іван Караджаў
Агульная інфармацыя
Поўнае імя	Іван Мілчаў Караджаў
Нарадзіўся	12 ліпеня 1989(1989-07-12) (33 гады) Крэсна[d], абшчына Крэсна[d], Благоеўградская вобласць, Балгарыя
Грамадзянства	Балгарыя
Рост	191 см
Вага	83 кг
Пазіцыя	брамнік
Інфармацыя пра клуб
Клуб	ЦСКА 1948
Нумар	12
Маладзёжныя клубы
1999—2007 ЦСКА (Сафія)
Клубная кар’ера
2007—2011 ЦСКА (Сафія) 38 (-31) 2007—2008 →  Рылскі Спартыст 21 2012 Лакаматыў (Плоўдзіў) 13 (-18) 2012 Славія (Сафія) 0 (0) 2013—2014 Бярое (Стара-Загора) 51 (-38) 2016—2017 Вярэя (Стара-Загора) 16 (-25) 2017 Шахцёр (Салігорск) 15 (-15) 2018—2021 Арда (Кырджалі) 95 2022— ЦСКА 1948 (Сафія)
Нацыянальная зборная
2007—2008 Балгарыя (да 19) 12 2008—2009 Балгарыя (да 21) 3 2021— Балгарыя 3 (-5)

Іван Караджаў (балг.: Иван Караджов; нар. 12 ліпеня 1989, Крэсна, Балгарыя) — балгарскі футбаліст, брамнік сафійскага ЦСКА 1948 і нацыянальнай зборнай Балгарыі.

Клубная кар’ера

Выхаванец сафійскага ЦСКА. Сезон 2007/08 правёў у арэндзе ў клубе другой лігі «Рылскі Спартыст», дзе быў асноўным брамнікам. Улетку 2008 года вярнуўся ў ЦСКА, дзе стаў другім брамнікам пасля Івайлы Петрава, а з 2009 замацаваўся ў стартавым складзе армейцаў. У лістападзе 2011 года разарваў кантракт з ЦСКА, і ў студзені 2012 года быў прадстаўлены ў якасці іграка плоўдзіўскага «Лакаматыва». У 2013—2014 гадах гуляў за клуб «Бярое», якому дапамог выйграць Кубак і Суперкубак Балгарыі.

З лета 2016 года выступаў за «Вярэю». У сакавіку 2017 года ў якасці свабоднага агента падпісаў двухгадовы кантракт з беларускім клубам «Шахцёр» з Салігорска. Пачынаў сезон 2017 у якасці другога брамніка салігорскай каманды, але ў ліпені ў сувязі з траўмай Уладзіміра Бушмы заняў месца ў аснове і захоўваў яго да канца сезону.

У пачатку 2018 года не трэніраваўся з салігорскай камандай, некаторы час падтрымліваў форму з благоеўградскім «Пірынам». У сакавіку 2018 года ў якасці свабоднага агента стаў іграком клуба «Арда» з трэцяга дывізіёна Балгарыі. Разам з клубам выйшаў у другі, а потым і ў першы дывізіён, у 2021 годзе гуляў за «Арду» ў Лізе канферэнцый УЕФА.

У студзені 2022 года перайшоў у клуб ЦСКА 1948.

Міжнародная кар’ера

Выступаў за моладзевую зборную Балгарыі. У 2009 годзе быў выкліканы ў нацыянальную зборную Балгарыі, аднак тады не згуляў за яе, наступны выклік жа атрымаў толькі ў 2020 годзе. Дэбютаваў у зборнай 5 чэрвеня 2021 года ў таварыскім матчы супраць Расіі, адгуляўшы першы тайм.

Дасягненні

• Уладальнік Кубка Балгарыі (2): 2011, 2013
• Уладальнік Суперкубка Балгарыі (2): 2011, 2013
• Пераможца Трэцяй лігі Балгарыі: 2018 (паўднёва-ўсходняя група)
• Пераможца Другой лігі Балгарыі: 2019
• 03 Бронзавы прызёр чэмпіянату Беларусі: 2017