Іван Несцеравіч Усаў

Іван Несцеравіч Усаў
Дата нараджэння	13 кастрычніка 1921(1921-10-13)
Месца нараджэння	Асяродак, Бабруйскі павет, Савецкая Сацыялістычная Рэспубліка Беларусі
Дата смерці	19 студзеня 1994(1994-01-19) (72 гады)
Месца пахавання	Паўночныя могілкі
Грамадзянства	Беларусь
Род дзейнасці	урач, педыятр, выкладчык універсітэта, загадчык кафедры
Месца працы	БДМУ Міністэрства аховы здароўя Рэспублікі Беларусь
Навуковая ступень	доктар медыцынскіх навук
Навуковае званне	прафесар
Альма-матар	БДМУ
Прэміі
Узнагароды

Іван Несцеравіч Усаў (13 кастрычніка 1921, в. Асяродак, Асіповіцкі раён, Магілёўская вобласць — 19 студзеня 1994) — беларускі вучоны ў галіне педыятрыі. Доктар медыцынскіх навук (1965), прафесар (1967). Удзельнік Вялікай Айчыннай вайны.

Біяграфія

Скончыў Бабруйскую фельчарскую школу (1940), Мінскі медыцынскі інстытут (1951).

З 1951 года на кафедры педыятрыі (у 1967—1989 загадчык кафедры) Мінскага медінстытута. Некаторы час працаваў у Міністэрстве аховы здароўя Беларусі. Даследаваў мікраэлементы ў крыві нованароджаных, механізм развіцця хвароб нырак і іх лячэнне, спадчынную схільнасць і рэзістэнтнасць да хвароб у дзяцей.

Узнагароды

Заслужаны дзеяч навукі Беларусі (1981), заслужаны работнік аховы здароўя Беларусі (1991), лаўрэат Дзяржаўнай прэміі Беларусі (1984 г.)

Літаратура

• Беларуская ССР : кароткая энцыклапедыя : у 5 т. — Мінск, 1981. — Т. 5. — С. 614.
• Беларуская энцыклапедыя : у 18 т. — Мінск, 2003. — Т. 16. — С. 260.
• Белорусская ССР : краткая энциклопедия : в 5 т. — Минск, 1982. — Т. 5. — С. 643.
• Регионы Беларуси : энциклопедия : в 7 т. — Минск, 2021. — Т. 6, кн. 2 : Могилёвская область. — С. 374.
• Республика Беларусь : энциклопедия : [в 7 т.]. — Минск, 2008. — Т. 7. — С. 332.