Ігар Якаўлевіч Фраянаў

Ігар Фраянаў
Игорь Яковлевич Фроянов
Дата нараджэння	22 чэрвеня 1936(1936-06-22)
Месца нараджэння	Армавір, СССР
Дата смерці	5 снежня 2020(2020-12-05) (84 гады)
Месца смерці	Санкт-Пецярбург, Расія
Месца пахавання	Смаленскія праваслаўныя могілкі
Грамадзянства	СССР  Расія
Род дзейнасці	гісторык, грамадскі дзеяч, пісьменнік, выкладчык універсітэта
Навуковая сфера	гісторыя
Месца працы	Санкт-Пецярбургскі дзяржаўны ўніверсітэт
Навуковая ступень	доктар гістарычных навук
Навуковае званне	прафесар
Альма-матар	Стаўрапольскі педінстытут (1963)
Навуковы кіраўнік	Уладзімір Васілевіч Маўродзін[d]
Вядомыя вучні	Андрэй Дварнічэнка
Партыя	КПСС
Узнагароды
Сайт	froyanov.csu.ru
Цытаты ў Вікіцытатніку

І́гар Я́каўлевіч Фрая́наў (руск.: Игорь Яковлевич Фроянов; 22 чэрвеня 1936, г. Армавір, Азова-Чарнаморскі край, РСФСР, СССР, цяпер Краснадарскі край, Расія) — расійскі гісторык. Доктар гістарычных навук (1976), прафесар (1979).

Біяграфія

У 1963 скончыў Стаўрапольскі педінстытут. 3 1966 лёс І. Фраянава непарыўна звязаны з Пецярбургскім універсітэтам.

Навуковая дзейнасць

Стварыў школу гісторыі Кіеўскай Русі, канцэпцыя якой вызначаецца шматгранным падыходам да асвятлення падзей. Паводле яе ў Кіеўскай Русі працэс класаўтварэння быў відавочным, але класавае грамадства ў 10—12 стст. тут яшчэ не склалася. Русь была краінай гарадоў-зямель, вечавога народаўладдзя, грамадовай самадзейнасці. У даследаваннях надаецца ўвага гісторыі гарадскіх грамадаў, набыццю імі дзяржаўнага характару, утварэнню гарадоў-дзяржаў ва ўсходніх славян у 11 — пачатку 13 стст. У іх дэталёва прааналізавана развіццё горада-дзяржавы ў Полацкай зямлі, прычым гарадамі-дзяржавамі акрамя Полацка лічацца таксама Менск, Ізяслаўль (Заслаўе), Лагойск, істотнае месца адводзіцца барацьбе Ноўгарада, Полацка і іншых гарадоў за незалежнасць у 11—12 стагоддзях.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. — ISBN 985-6302-33-1.