Ігнацій Іздэбскі

Ігнацій Іздэбскі
Дата нараджэння	25 студзеня 1702(1702-01-25)
Месца нараджэння	Пінск, Пінскі павет, Берасцейскае ваяводства, Вялікае Княства Літоўскае, Рэч Паспалітая
Дата смерці	9 красавіка 1766(1766-04-09) (64 гады)

Ігнацій Іздэбскі (25 студзеня 1702, каля Пінска — 9 красавіка 1766) — дзеяч каталіцкай царквы.

Біяграфія

У 1718 годзе ў Вільні ўступіў у ордэн езуітаў, з 1730 годзе — ксёндз. Вывучаў філасофію ў Полацку (1723—1726), тэалогію ў Варшаве (1728—1729) і Пінску (1729—1732). Прафесар рыторыкі ў Слоніме (1733—1734), філасофіі ў Слоніме (1736—1738) і Вільні (1739—1742), суперыёр у Бабруйску (1742—1747) і Ілукшце (1749—1760), міністр і прэфект будоўлі ў Вільні пры касцёле св. Ігнацыя (1747—1749). Захаваліся рукапісныя выклады Іздэбскага па логіцы.

Літаратура

• Пазднякоў В. Іздэбскі Ігнацій // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 240. — 696 с. — ISBN 978-985-11-0487-7 (т. 3), ISBN 985-11-0315-2.