Авігдор Арыха

Авігдор Арыха
фр.: Avigdor Arikha
Род дзейнасці	мастак, мастацтвазнавец, мастак-гравёр
Дата нараджэння	28 красавіка 1929(1929-04-28)[…]
Месца нараджэння	Рэдэўць[d], Rădăuți County[d], Каралеўства Румынія
Дата смерці	29 красавіка 2010(2010-04-29)[…] (81 год)
Месца смерці	Парыж, рэгіён Іль-дэ-Франс, Метраполія Францыі, Францыя
Грамадзянства	Францыя  Ізраіль  Румынія
Альма-матар	Бецалель[d]
Узнагароды і прэміі
Медыяфайлы на Вікісховішчы

Авігдор Арыха (фр.: Avigdor Arikha, сапраўднае імя Авігдор Длугач; 28 красавіка 1929, Рэдэуцы — 29 красавіка 2010, Парыж) — ізраільскі і французскі жывапісец, графік, кніжны афарміцель.

Біяграфія

Нарадзіўся ў паўднёвай Букавіне, у яўрэйскай нямецкамоўнай сям’і. У 1941 годзе сям’я была дэпартаваная ў нацысцкія канцлагеры на Заходняй Украіне, яго бацька загінуў. Сам ён выжыў дзякуючы малюнкам, якія рабіў падчас дэпартацыі і якія здолеў паказаць прадстаўнікам Чырвонага Крыжа, якія наведалі лагер у 1943 (у 1971 сем з іх былі факсімільна выдадзены ў Парыжы абмежаваным тыражом). Ён і яго сястра былі вызваленыя і здолелі ў 1944 годзе пераехаць у Палесціну. Да 1948 года жыў у кібуцы ў цэнтральным Ізраілі. У 1948 годзе быў цяжка паранены падчас Араба-ізраільскай вайны, пасля аперацыі правёў некалькі дзён у коме. У 1946—1949 гадах наведваў мастацкую акадэмію Бецалель, дзе займаўся пад кіраўніцтвам Мардэхая Ардона. У 1949 годзе атрымаў стыпендыю, па якой адправіўся вучыцца ў парыжскую Школу прыгожых мастацтваў, дзе вывучаў тэхніку фрэскавага жывапісу. З 1954 года Арыха стала жыў у Парыжы, часта прыязджаў у Ізраіль.

Жонка — амерыканская паэтэса і перакладчыца з французскай Эн Эйцік, яны ажаніліся ў 1961 годзе. У 2001 годзе яна выпусціла кнігу ўспамінаў пра Бэкета.