Аглоблі

Аглоблі (ад праслав.: *o-globja, звязанага з *globa — «жардзіна») — канструкцыйны элемент гужавых транспартных сродкаў або ворыўных прылад, які злучае іх з цяглавай сілай. Уяўляюць сабой пару жардзін (часцей бярозавых), прымацаваных канцамі да пярэдняй восі калёс ці да капылоў саней. Пры запрэжцы аглоблі замацоўваюцца з дугой гужамі ад хамута і рэгулююцца па яе шырыні атосамі^[1].

У выязных экіпажах аглоблі часта мелі ў сярэдняй частцы авальны выгін, што стварала больш прасторы для запрэжанага каня^[1].

У сохах падняпроўскага тыпу (Віцебская, Магілёўская вобласці) аглоблі (вобжы) былі больш кароткія і ўтваралі адзінае цэлае з асноўнай канструкцыяй. Ва Усходнім Палессі сустракалася пастроначная запрэжка з дадатковай аглобляй, што служыла сродкам тармажэння на спусках^[1].

Крыніцы

↑ ^а ^б ^в Аглоблі // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.

Літаратура

Аглоблі // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.
Агло́блі // Тлумачальны слоўнік беларускай мовы: У 5-ці т / АН БССР, Інстытут мовазнаўства імя Я. Коласа. — Мн.: Галоўная рэдакцыя Беларус. Сав. Энцыклапедыі, 1977. — Т. 1: А — В / [рэдактар М. П. Лобан]. — С. 102—103. — 604 с.

Спасылкі

На Вікісховішчы ёсць медыяфайлы па тэме Аглоблі

[:0-1] а ^б ^в Аглоблі // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.

[1]