Адам Завадскі

Адам Завадскі
Адам Завадскі ў канцы 1840-х гадоў
Род дзейнасці	друкар, выдавец
Дата нараджэння	30 жніўня 1814(1814-08-30)
Месца нараджэння	Вільня, Віленскі павет, Літоўска-Віленская губерня, Расійская імперыя
Дата смерці	5 студзеня 1875(1875-01-05) (60 гадоў)
Месца смерці	Вільня, Віленскі павет, Віленская губерня, Расійская імперыя
Месца пахавання	Антокальскія могілкі
Бацька	Юзаф Завадскі
Жонка	Вінцэнціна Завадская
Месца працы	Выдавецтва Юзафа Завадскага[d]
Член у	Віленская археалагічная камісія
Медыяфайлы на Вікісховішчы
Творы ў Вікікрыніцах

Адам Завадскі (30 жніўня 1814(1814-08-30), Вільня — 5 студзеня 1875(1875-01-05), Вільня) — віленскі выдавец.

Біяграфія

Старэйшы сын Юзафа Завадскага. Пасля бацькі ўзначаліў выдавецтва Завадскага (1838). Жонка Адама Завадскага — Вінцэнціна Завадская, аўтарка папулярнай кулінарнай кнігі «Літоўская кухарка» (Kucharka litewska…, Вільня, 1854).

З Адамам Завадскім супрацоўнічаў Вінцэнт Дунін-Марцінкевіч, у 1846 годзе ў выдавецтве Завадскіх выйшла яго першая кніга «Сялянка». З Адамам Завадскім перапісваўся Марцін Асорыя-Цяплінскі наконт выдання «Snopka Nadniemeńskiego» і збору сваіх твораў, але планы не ажыццявіліся праз смерць пісьменніка. З 1840 года ў Завадскага выходзілі «Obrazy Litewskie» Ігнацыя Ходзькі, з 1848 года рэгулярна перавыдавалася «Літоўская гаспадыня» Ганны Цюндзявіцкай. Выходзілі многія творы Уладзіслава Сыракомлі, Станіслава Манюшкі і многіх іншых вядомых дзеячаў культуры.

Агулам, выдавецтва Завадскага было самым буйным віленскім выдавецтвам сярэдзіны XIX стагоддзя, чые выданні найбольш прычыніліся да фармавання інтэлектуальнай атмасферы Літвы (і значнай часткі Беларусі) гэтай эпохі.

Літаратура

• Turkowski, T. Archiwum księgarni Zawadzkich w Wilnie. Warszawa, 1932.
• Turkowski, T. Materiały do dziejów literatury i oświaty na Litwie i Rusi z Archiwum Drukarni i Księgarni J. Zawadzkiego w Wilnie z lat 1805—1865. Wilno, 1935—1937, t. 1-3.