Ада (рака)

Ада італ.: Adda
Вышыня вытоку	2237 м
Даўжыня	313 км
Расход вады	187 м³/с
Вадазбор	7979 км²
Ада на Вікісховішчы

Ада (італ.: Adda, Addua) — рака на поўначы Італіі, левы прыток ракі По. Даўжыня ракі 313 км, плошча басейна амаль 8 тыс. км².

Бярэ пачатак з возера Канкан у Рэційскіх Альпах на паўднёвым схіле Вормскага ланцуга на захад ад Артлерскага хрыбта, каля Цірольскай граніцы; утварае на працягу 15 км вадаскат вышынёй 754 м.

У вярхоўі цячэ па трогавай даліне Вальтэліна; у Тэгліі паварочвае на захад, працякае Лага-ды-Мецола і праз возера Кома, утварае на сваім шляху Лага-ды-Альгіната. Далей праходзіць перадгор’і Ламбардскіх Перадальп і цячэ па Ламбардскай нізіне (дзе на працягу каля 124 км з’яўляецца суднаходнай). Упадае ў раку По каля Рэціна.

Сярэдні расход вады каля 187 м³/сек ў ніжнім цячэнні. На рацэ маецца ГЭС.