Янот-паласкун

? Янот-паласкун
Навуковая класіфікацыя
Царства:	Жывёлы
Тып:	Хордавыя
Клас:	Сысуны
Атрад:	Драпежныя
Род:	Яноты
Від:	Янот-паласкун
Навуковая назва
Procyon lotor Linnaeus, 1758
'
Сістэматыка на ВікіВідах Выявы ў ВікіСховішчы ITIS   180575 NCBI   9654

Янот-паласкун, або Амерыканскі янот (Procyon lotor) — драпежнае млекакормячых роду яноты сямейства янотавыя.

Знешні выгляд

Ростам з сабаку сярэдняй велічыні. Даўжыня цела 45-60 см, хваста 20-25 см; маса 5-9 кг. Целасклад шчыльны, каржакаваты; лапы кароткія, з настолькі развітымі пальцамі, што сляды нагадваюць адбітак чалавечай далоні. Галава шырокая з кароткай завостранай пысай і круглявымі вушамі.

Лапы янота кароткія, з развітымі пальцамі

Футра ў янота густое, карычнева-шэрае. Па баках галавы яно трохі даўжэйшае і ўтварае «бакенбарды». На мордзе характэрная маска — чорная з белымі валаскамі. На хвасце 5-10 шырокіх чорных або бурых «кольцаў».

Распаўсюджанне

Янот-паласкун распаўсюджаны ў Паўночнай Амерыцы, ад Панамскага перашыйка да паўднёвых правінцый Канады. Яго акліматызацыя праводзілася ў Германіі і на тэрыторыі былога Савецкага Саюза (найбольш удала на поўдні Беларусі (гл. Заказнік Нізоўе Случы, 1954 г.) і ў Азербайджане); з пунктаў выпуску янот перабраўся ў Францыю і іншыя еўрапейскія краіны.