Літаратура і мастацтва (газета)

«Літарату́ра і маста́цтва» – беларуская штотыднёвая літаратурная газета.

Гісторыя

Заснаваная ў 1932 годзе. Выходзіць у Мінску адзін раз у тыдзень (па пятніцах) на беларускай мове на 16 старонках (у 1957-1970 гадах выдавалася двойчы ў тыдзень).

У Вялікую Айчынную вайну не выходзіла. Выданне адноўлена ў красавіку 1945 года.

Свае першыя творы на старонках «ЛіМ» публікавалі Іван Мележ, Іван Шамякін, Васіль Быкаў, Уладзімір Караткевіч, Яўгенія Янішчыц, Алесь Разанаў, Алесь Пісьмянкоў і іншыя вядомыя беларускія пісьменнікі і паэты.

Сучаснасць

У цяперашні час заснавальнікамі выдання з'яўляюцца Міністэрства інфармацыі Рэспублікі Беларусь, ГА Саюз пісьменнікаў Беларусі, РВУ «Літаратура і Мастацтва».

Тыраж каля 3 тысяч асобнікаў.

Штат рэдакцыі складаецца з аддзелаў інфармацыі, публіцыстыкі, крытыкі, прозы і паэзіі, музыкі. З 2010 года выдаецца дадатак «Кніжны свет» (выходзіць на беларускай і рускай мовах) - сумесны праект газеты «Літаратура і мастацтва» і Нацыянальнай кніжнай палаты.

У газеце перыядычна з'яўляецца рубрыка «Суайчыннікі ў свеце», якія знаёмяць чытачоў з беларускімі дыяспарамі далёкага і блізкага замежжа, у першую чаргу ў Расіі.

Галоўныя рэдактары

• Хацкель Дунец (1932—1935)
• Ілья Гурскі (1935—1941)
• Аркадзь Куляшоў (1945—1946)
• Горцаў (1947—1949)
• Павел Кавалёў (1949—1950)
• Васіль Вітка (1951—1957)
• Мікалай Ткачоў (1957—1959)
• Янка Шарахоўскі (1969—1961)
• Нічыпар Пашкевіч (1961—1969)
• Леанід Прокша (1969—1972)
• Хведар (Фёдар) Жычка (1972—1976)
• Алесь Асіпенка (1976—1980)
• Алесь Жук (1980—1986)
• Анатоль Вярцінскі (1986—1990)
• Мікалай Гіль (1990—1997)
• Уладзімір Някляеў (1997—1999)
• Алесь Пісьмянкоў (1999—2002)
• Віктар Шніп (2002—2003)
• Анатоль Казлоў (2003—2009)
• Алесь Карлюкевіч (2009-)

Спасылкі

• Сайт «Літаратура і мастацтва»