Акракордыя

Акракордыя
Acrocordia macrospora
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Dothideomycetes Парадак:  Monoblastiales Сямейства:  Monoblastiaceae Род:  Акракордыя
Міжнародная навуковая назва
Acrocordia A. Massal
Пошук выяў на Вікісховішчы NCBI   286426 EOL   22444 MB   46

Акракордыя (Acrocordia) — род накіпных лішайнікаў сямейства Monoblastiaceae.

Апісанне

Слаявіна суцэльная гладкая або з трэшчынамі, белаватая ці шараватая. Развіваецца на паверхні або ўнутры субстрату. Пладовыя целы (перытэцыі) чорныя, матавыя, з кропкападобнай вывадной адтулінай, рассеяныя або скучаныя. Сумкі цыліндрычныя, з 8 спорамі, размешчанымі ў 1 рад. Споры шырокаавальныя, двухклетачныя з тоўстымі сценкамі.

Пашырэнне

Вядомы ў Паўночнай Амерыцы, Паўночнай Афрыцы, горных раёнах Еўропы і Новай Зеландыі. На Беларусі ў падзоне шыракаліста-хваёвых лясоў трапляюцца акракордыя белая (Acrocordia gemmata) і акракордыя шарападобная (Acrocordia sphaeroides). Растуць на кары лісцевых дрэў.

Індыкатарныя расліны забруджанасці навакольнага асяроддзя некаторымі шкоднымі рэчывамі.

Літаратура

• Кабзар Н. Акракордыя // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 59. — 575 с., іл. — 10 000 экз.

Спасылкі

• АКРАКОРДЫЯ на сайце анлайн-энцыклапедыі «Беларуская энцыклапедыя»