Алена Ігараўна Лядава
Алена Ігараўна Лядава | |
---|---|
руск.: Елена Игоревна Лядова | |
![]() | |
Род дзейнасці | актрыса |
Дата нараджэння | 25 снежня 1980 (43 гады) |
Месца нараджэння | |
Грамадзянства | |
Муж | Vladimir Vdovichenkov[d] |
Альма-матар | |
Узнагароды і прэміі | |
![]() |
Алена Ігараўна Лядава (руск.: Еле́на И́горевна Ля́дова; нар. 25 снежня 1980, Маршанск, Тамбоўская вобласць, РСФСР) — расійская актрыса тэатра, кіно і дубляжу. Трохразовы лаўрэат прэмій «Ніка» і «Залаты арол», уладальніца прыза Маскоўскага кінафестывалю за лепшую жаночую ролю (2015) і прэміі «ТЭФІ» (2016).
Біяграфія
[правіць | правіць зыходнік]Нарадзілася 25 снежня 1980 года ў горадзе Маршанску Тамбоўскай вобласці. Потым сям’я пераехала ў Адзінцова Маскоўскай вобласці. Там Алена пайшла ў першы клас.
Скончыла Вышэйшае тэатральнае вучылішча імя М. С. Шчэпкіна ў 2002 годзе і была прынята ў трупу Маскоўскага тэатра юнага гледача, дзе прапрацавала дзесяць гадоў, згуляўшы галоўныя ролі ў спектаклях рэжысёра Г. Яноўскай «Трамвай „Жаданне“» (2005), за ролю якой была намінаваная на прэмію «Залатая маска» і рэжысёра К. Гінкаса «Раберта Зуко» (2007) і іншыя ролі. Дэбют Лядавай у кіно — фільм рэжысёра Аляксея Учыцеля «Космас як прадчуванне» ў 2005 годзе.
У 2012 годзе ўдастоена «Залатога арла» і «Нікі» ў намінацыі «Лепшая жаночая роля другога плана» за ролю дачкі галоўнага героя ў фільме Андрэя Звягінцава «Алена». Праз два гады зноў атрымала «Залатога арла» і «Ніку» ў намінацыі «Лепшая жаночая роля» за ролю жонкі галоўнага героя ў фільме рэжысёра Аляксандра Велядзінскага «Географ глобус прапіў». У 2015 годзе зноў была адзначана гэтымі прэміямі за ролю ў фільме «Левіяфан».
Спасылкі
[правіць | правіць зыходнік]На Вікісховішчы ёсць медыяфайлы па тэме Алена Ігараўна Лядава