Аляксандр Аляксеевіч Сазановіч
Аляксандр Аляксеевіч Сазановіч | |
---|---|
Род дзейнасці | будаўнік, кіраўнік |
Дата нараджэння | 20 сакавіка 1949 (75 гадоў) ці 1 лютага 1949 (75 гадоў) |
Месца нараджэння | |
Альма-матар | |
Узнагароды і прэміі |
Аляксандр Аляксеевіч Сазановіч (нар. 1949) — беларускі гаспадарчы дзеяч. Заслужаны будаўнік Рэспублікі Беларусь (2009), Ганаровы грамадзянін г. Ашмяны (2014)[1].
Біяграфія[правіць | правіць зыходнік]
Нарадзіўся ў вясковай сям’і 1 лютага, але ў метрыцы праз абставіны запісалі 20 сакавіка[1].
Скончыўшы школу, паступіў у Горацкую сельскагаспадарчую акадэмію на факультэт гідрамеліярацыі[1].
З 1967 года працаваў у Навагрудскім міжраённым упраўленні асушальных сістэм: гідратэхнікам, інжынерам, начальнікам участка, галоўным інжынерам[1].
Праз некаторы час Сазановічу прапанавалі ўзначаліць Ашмянскае міжгаспадарчае ўпраўленне асушальных і арашальных сістэм, якое з адстаючых ператварылася ў перадавое: пачало перамагаць не толькі ў абласным і рэспубліканскім, але і ва Усесаюзным сацыялістычным спаборніцтве[1].
У 1986 годзе ён узначаліў МПМК-77 у Ашмянах[1].
Аб’екты, пабудаваныя пад кіраўніцтвам А. Сазановіча[правіць | правіць зыходнік]
ААТ «Будаўнік», якое ўзначальвае А. Сазановіч, узводзіла жылыя дамы ў мікрараёнах квартал Будаўнікоў, Заходні, па вул. Барунскай, фізкультурна-аздараўленчы комплекс, Дом правасуддзя, дзіцячыя сады, магазіны ў Ашмянах, жыллё і фермы — на вёсцы. Таксама пабудаваны дзясяткі заправачных станцый пад Мінскам, аб’екты Беларускай АЭС, пагранічная камендатура ў Гудагаі і будынак пагранзаставы ў Лошы, транспартна-лагістычны цэнтр у Каменным Логу, аквапарк і парк забаў Dreamland у Мінску, жылы пасёлак для ваеннаслужачых у Ваўкавыскім раёне. Працавалі ашмянцы і за межамі Беларусі, на тэрыторыі Расійскай Федэрацыі. Узводзілі аб’екты ў Смаленску, Мажайску, Гагарыне[1].
Узнагароды[правіць | правіць зыходнік]
- медаль «За працоўную адзнаку»
- Заслужаны будаўнік Рэспублікі Беларусь (2009)
- «Найлепшы прадпрымальнік Гродзенскай вобласці»
- «Ганаровы грамадзянін горада Ашмяны»
Зноскі
- Асобы
- Нарадзіліся 20 сакавіка
- Нарадзіліся ў 1949 годзе
- Нарадзіліся 1 лютага
- Нарадзіліся ў Навагрудскім раёне
- Выпускнікі Беларускай дзяржаўнай сельскагаспадарчай акадэміі
- Узнагароджаныя медалём «За працоўную адзнаку»
- Заслужаныя будаўнікі Рэспублікі Беларусь
- Артыкулы з шаблонамі-карткамі без назвы
- Будаўнікі Беларусі
- Будаўнікі СССР
- Ганаровыя грамадзяне Ашмян