Аляксандр Сяргеевіч Педан

З пляцоўкі Вікіпедыя
Jump to navigation Jump to search
Аляксандр Сяргеевіч Педан
укр.: Олександр Сергійович Педан
Партрэт
Род дзейнасці: шоумэн, тэлевядучы
Дата нараджэння: 24 сакавіка 1982
Месца нараджэння: Хмяльніцкі, Украіна
Альма-матар:
Сайт: pedan.com.ua
Commons-logo.svg Аляксандр Сяргеевіч Педан на Вікісховішчы

Педа́н Аляксандр Сяргеевіч (нар. 24 сакавіка 1982, Хмяльніцкі, Украіна) — украінскі тэлевядучы і шоумэн.

Біяграфія і кар'ера[правіць | правіць зыходнік]

Бацька Сяргей Іосіфавіч і маці Валянціна Мікалаеўна пазнаёміліся ў танцавальным ансамблі пры ўніверсітэце. Аляксандр стаў іх трэцім дзіцём, ён мае двух старэйшых братоў. Пасля заканчэння школы ён паступіў у Хмяльніцкі нацыянальны ўніверсітэт на эканамічны факультэт. У 2004 годзе атрымаў дыплом менеджэра-эканаміста. Праз два гады пераехаў у Кіеў.

Аляксандр марыў стаць акцёрам з дзяцінства, у школе ён быў удзельнікам мастацкай самадзейнасці. Скончыў тэатральнае аддзяленне Хмяльніцкай школы мастацтваў. 13 гадоў займаўся ўкраінскімі народнымі танцамі, паколькі бацька быў харэографам Ансамбля ўкраінскага танца.

Дзевяць гадоў Аляксандр прысвяціў КВЗ. У 16 ён стаў удзельнікам каманды Хмяльніцкага нацыянальнага ўніверсітэта. Прыняў удзел у турнірах Асацыяцыі КВЗ Украіны ў складзе каманд «Стыльны вецер» і «TM-TV». Гуляў за тэлевізійную каманду Вышэйшай украінскай лігі КВЗ «Тры таўстуна», асноўную частку якой складалі вопытныя гульцы. Прыйшоўшы ў каманду як танцор, Педан хутка ўвайшоў у лік лідэраў, стаў актыўным удзельнікам творчага працэсу — пісаў тэксты, ставіў нумары. Прыняў удзел у шэрагу міжнародных фестываляў Клуба (Сочы, Юрмала).

У 2006 г. Аляксандр стаў вядучым Comedy Club Ukraine, а таксама ўдзельнікам штотыднёвых вечарынак клуба і телеверсій. Яркі індывідуальны вобраз канферансье падарыў яму творчы псеўданім — Аляксандр «Анёл» Педан.

У 2008 г. Педан стаў адным з вядучых ранішняга шоў «Пад'ём» на Новым канале ў партнёрстве з Фрэймут і Прытулай. Гэтую тройцу вядучых называюць адной з самых паспяховых за ўвесь час існавання ранішняга шоў ва Украіне. Разам з Вольгай і Сяргеем Аляксандр вёў «Пад'ём» да мая 2011 года.

У 2008 г. вядзе шоу «Украіна слязам не верыць» з Машай Еўфрасінінай і Сяргеем Прытулай. У 2010-2011 гады стаў удзельнікам шоў «Зрабі мне смешна» з Сяргеем Прытулай, Машай Еўфрасінінай, Дзімай Калядэнка, Андрэем Даманскім, Анастасіяй Касілавай і Сяргеем Кузіным.

У 2010-2011 гады стаў суддзёй шоў «Спявай, калі зможаш» з вядучымі Сяргеем Прытулай і Машай Еўфрасінінай. У 2011 г. стаў вядучым экстрэмальнага шоў «Я — Герой!» з Сяргеем Прытулай і чэмпіёнкай свету па спартыўнай гімнастыцы Ліліяй Падкапаевай. У гэтым жа годзе Аляксандр становіцца вядучым шоў «Інтуіцыя» — свайго першага сольнага праекта на Новым канале.

У сакавіку-чэрвені 2012 года — вядучы шоу «Пакуй валізы!». Сакавік 2012 года — Аляксандр становіцца суддзёй у шоў «Хто зверху?». Вядучыя праекта Вольга Фрэймут і Сяргей Прытула жартам называюць Педана «голасам зверху», «вярхоўным суддзёю», таму што Аляксандра няма ў кадры і гледачы чуюць толькі ягоны голас.

Летам 2012 года разам з Фрэймут і Прытулай вядзе шоў «КабрыяЛета».

10 сакавіка 2013 года на Новым канале стартаваў інфармацыйна-забаўляльны вячэрні праект «Педан-Прытула Шоў». Педан стаў вядучым і крэатыўным прадзюсарам шоу разам з Сяргеем Прытулай. З 2014 года вядзе праект «Сэрца трох», правёўшы тры сезоны гэтага шоў.

2014-2015 гг. — вядучы ў двух сезонах праграмы «Танна і сярдзіта». У шоў Аляксандр меў задачу з гумарам шукаць магчымасці эканоміі ва ўсіх сферах. У 2015 годзе зноў стаў вядучым тэлепраекта «Танна і сярдзіта».

У 2016 г. разам з Дзмітрыем Танковічам быў вядучым Украінскага нацыянальнага адбору на Еўрабачанне-2016, дзе перамагла Джамала. Восенню 2016 года пачаў працу над праектам «Зоркі пад гіпнозам».

Тэлепраекты[правіць | правіць зыходнік]

  • «Comedy Club UA»
  • «Пад'ём!»
  • «Зрабі мне смешна!»
  • «Інтуіцыя»
  • «Пакуй валізы!»
  • «Хто зверху?»
  • «Я — Герой!»
  • «КабрыяЛета»
  • «Педан-Прытула Шоу»
  • «Сэрца трох»
  • «Танна і сярдзіта»
  • «Еўрабачанне-2016. Украіна»
  • «Зоркі пад гіпнозам»

Спасылкі[правіць | правіць зыходнік]