Аляксандр Яўгенавіч Крушэўскі

Аляксандр Яўгенавіч Крушэўскі
Дата нараджэння	23 чэрвеня 1932(1932-06-23)
Месца нараджэння	Менск, БССР, СССР
Дата смерці	13 красавіка 2008(2008-04-13) (75 гадоў)
Месца працы	механіка-матэматычны факультэт БДУ машынабудаўнічы факультэт БНТУ
Навуковая ступень	доктар фізіка-матэматычных навук (1999) і кандыдат тэхнічных навук (1960)
Навуковае званне	прафесар (2001)
Альма-матар	БПІ (1955)
Узнагароды

Аляксандр Яўгенавіч Крушэўскі (23 чэрвеня 1932, Мінск — 13 красавіка 2008) — беларускі спецыяліст у галіне механікі дэфармуемага цвёрдага цела. Доктар фізіка-матэматычных навук (1999), кандыдат тэхнічных навук (1960), прафесар (2001).

Біяграфія

Скончыў Беларускі політэхнічны інстытут (1955).

Працаваў у Беларускім нацыянальным тэхнічным універсітэце (з 1955, машынабудаўнічы факультэт, кафедра «Тэарэтычная механіка», прафесар), Беларускім дзяржаўным універсітэце (з 1981 — па сумяшчальніцтве, з 2007 — на пастаяннай аснове, механіка-матэматычны факультэт, кафедра тэарэтычнай і прыкладной механікі, прафесар).

Навуковыя інтарэсы: варыяцыйныя і аператарныя метады рашэння задач матэматычнай і прыкладной тэорыі пругкасці; матэматычнае мадэляванне ў біямеханіцы; разлік машынабудаўнічых канструкцый на трываласць і жорсткасць.

Сям’я

• жонка Іраіда Іванаўна Крушэўская (нар. 1936) — урач-оталарынголаг-фаніятр, кандыдат медыцынскіх навук
  • сын Яўген Аляксандравіч Крушэўскі (нар. 1961) — матэматык, кандыдат фізіка-матэматычных навук

Узнагароды

Медаль СССР «Ветэран працы» (1985).

Бібліяграфія

• Вариационные и операторные методы решения краевых задач теории упругости для тел конечных размеров на основе модифицированных уравнений связей : диссертация … доктора физико-математических наук : 01.02.04 : защищена 19.06.1998 : утверждена 23.06.1999 / Крушевский Александр Евгеньевич. — Минск, 1998.
• Некоторые вопросы расчета корпусных деталей машин : автореферат диссертации … кандидата технических наук / Крушевский А. Е. — Минск, 1960.

Літаратура

• Крушэўскі Аляксандр Яўгенавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 412. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Крушевский Александр Евгеньевич // Республика Беларусь : энциклопедия : [ 7 т.]. — Минск, 2007. — Т. 4. — С. 322.
• Крушевский Александр Евгеньевич // Кто есть кто : доктора наук, профессора, заслуженные деятели науки и лауреаты премий Белорусской государственной политехнической академии : справочник. — Минск, 2000. — С. 17—18.