Аляксей Аляксеевіч Хартонік

З Вікіпедыі, свабоднай энцыклапедыі
Аляксей Аляксеевіч Хартонік
Дата нараджэння 14 мая 1926(1926-05-14) (98 гадоў)
Месца нараджэння
Род дзейнасці урач, хірург, выкладчык універсітэта, медыцынскі адміністратар
Месца працы
Навуковая ступень кандыдат медыцынскіх навук (1965)
Навуковае званне
Альма-матар
Узнагароды
Заслужаны ўрач Беларускай ССР

Аляксей Аляксеевіч Хартонік (1926 —) — беларускі ўрач-хірург. Кандыдат медыцынскіх навук (Смаленск, 1965). Дацэнт (1973). Заслужаны ўрач БССР (1981)[1].

Біяграфія[правіць | правіць зыходнік]

Скончыў медыцынскае вучылішча, 1945; фельчар станцыі хуткай медыцынскай дапамогі ў Баранавічах, 1945—1946. Скончыў Мінскі медыцынскі інстытут, 1951. Загадчык Ляскавіцкага сельскага ўрачэбнага участка, 1951—1952; ардынатар хірургічнага аддзялення Мазырскай гарадской бальніцы, 1952—1976[2].

У 1957—1965 гадах загадчык хірургічнага аддзялення Слонімскай цэнтральнай раённай бальніцы (Гродзенская вобласць), адначасова выкладчык хірургіі і анатоміі медыцынскага вучылішча[1].

Асістэнт 1-й кафедры шпітальнай хірургіі Мінскага медыцынскага інстытута, 1965—1973, адначасова намеснік дэкана лячэбнага факультэта, 1970—1971, дэкан стаматалагічнага факультэта, 1971—1987[2].

Дацэнт 1-й кафедры шпітальнай хірургіі Мінскага медыцынскага інстытута (1973—1994), выконваў абавязкі загадчыка 3-й кафедры хірургічных хвароб (1989)[1].

Дыспетчар навучальнага аддзела МДМІ з 1995 года[2].

Навуковая дзейнасць[правіць | правіць зыходнік]

Навуковыя інтарэсы: хірургія язвавай хваробы страўніка; кансерватыўнае і аператыўнае лячэнне вострага панкрэатыту; «тлушчавая дыета  (руск.)»; дыягностыка дэструктыўнага халецыстыту; лапараскапія ў ранняй дыягностыцы вострых аментытаў; рэзекцыя сальніка малымі порцыямі[1].

Аўтар каля 50 навуковых работ.

Бібліяграфія[правіць | правіць зыходнік]

  • Профилактика и лечение сельскохозяйственных травм у колхозников Слонимского района : автореферат диссертации … кандидата медицинских наук / А. А. Хартоник. — Смоленск, 1965.

Грамадская дзейнасць[правіць | правіць зыходнік]

Дэпутат Слонімскага гарадскога савета (1961), Гродзенскага абласнога савета (1963)[2].

Узнагароды[правіць | правіць зыходнік]

Узнагароджаны медалямі, значкамі, у т. л. «Выдатнік аховы здароўя», 1973. Прысвоена ганаровае званне заслужанага ўрача БССР, 1981[2].

Зноскі

Літаратура[правіць | правіць зыходнік]

  • Библиография диссертаций, защищенных и подготовленных в Белорусской ССР (1956—1965). — Минск, 1966.