Амалія Вільгельміна фон Кёнігсмарк

З пляцоўкі Вікіпедыя
Jump to navigation Jump to search
Амалія Вільгельміна фон Кёнігсмарк
шведск.: Amalia Wilhelmina Königsmarck
Фатаграфія
Імя пры нараджэнні Amalia Wilhelmina von Königsmarck
Дата нараджэння 20 жніўня 1663(1663-08-20)[1]
Месца нараджэння
Дата смерці 30 студзеня 1740(1740-01-30)[1] (76 гадоў)
Месца смерці
Грамадзянства
Бацька Курт Крыстоф фон Кёнігсмарк[d][1]
Маці Марыя Крысціна Врангель[d][1]
Муж Карл Густаў фон Лёвенхаупт[d]
Дзеці Карл Эммль Левенгаупт[d]
Род дзейнасці паэтэса, артыстка
Commons-logo.svg Працы на Вікісховішчы

Графіня Амалія Вільгельміна фон Кёнігсмарк (ням.: Amalia Wilhelmina von Königsmarck, 20 жніўня 1663 — 30 снежня 1740) — шведская дваранка, мастачка, тэатральная актрыса, паэтка.

Біяграфія[правіць | правіць зыходнік]

Алегорыя с асабістым партрэтам і профілем Ульрыкі Элеаноры Старэйшай

Нарадзілася ў 1663 годзе ў Штадэ, у сям’і графа Курта Крыстофа Кёнігсмарка (1634—1673) і графіні Марыі Крысціны фон Врангель. У Амаліі таксама быў брат Філіп Крыстоф фон Кёнігсмарк і сястра Марыя Аўрора фон Кёнігсмарк, фаварытка польска-літоўскага манарха Аўгуста II Моцнага.

У 1689 годзе выйшла замуж за генерал-лейтэнанта Карла Густава Левенгаупта (1662—1703). У шлюбе нарадзіўся Карл Эміль Левенгаупт (1691—1743), генерал і палітычны дзеяч.

Вучылася жывапісу ў прыдворнага мастака Давіда Клеккер-Эренстраля. Яе пэндзлю належаць аўтапартрэт 1688 года, партрэт яе сястры Аўроры, партрэты дваранак Катарыны Эбба Хорн і Сафіі Даратэі Ганаверскай.

Выступала на сцэне прыдворнага тэатра, які стварыла каралева-кансорт Швецыі Ульрыка Элеанора Дацкая. Зімой 1683-84 група артыстак упершыню паставіла п’есу Іфігенія па сцэнарыю Жана Расіна. Роль Іфігеніі іграла Іанна Элеанора де ла Гардзі, Амалія іграла Ахілеса, яе сястра Аўрора іграла Клітэмнестру[3]. Гэта была першая п’еса ў Швецыі, дзе ўсе ролі выконвалі жанчыны. З гэтага пачалася мода на французскі класіцызм у Швецыі.

Таксама пісала вершы, апублікаваныя ў XIX стагоддзі[4].

У 1695 годзе пераконвала свайго мужа Карла Густава Левенгаупта, які служыў у той час Саксоніі, заключыць саюз з каралём Аўгустам II Моцным супраць Карла XII. Шведскі кароль Карл XII падчас Вялікай Паўночнай вайны павярнуў войска супраць Польшчы, разбіў Аўгуста II і яго саксонскую армію пры Клішаве ў 1702 годзе[5]. Пасля гэтага Карл Левенгаупт быў прысуджаны да канфіскацыі маёмасці і смяротнага пакарання ў 1703 годзе.

Шмат гадоў жыла ў Германіі, вярнулася ў Швецыю ў 1722 годзе. Памерла ў горадзе Оведсклостер 30 студзеня 1740.

Зноскі

  1. 1,0 1,1 1,2 1,3 1,4 Amalia Wilhelmina von Königsmarck 1663-08-20 — 1740-01-30 Konstnär, poet Праверана 7 лістапада 2020.
  2. artist list of the National Museum of Sweden — 2016. Праверана 27 лютага 2016.
  3. Lars Löfgren: Svensk teater (Swedish theatre) Natur & Kultur, Stockholm 2003, sid. 46. ISBN 91-27-09672-6.
  4. Königsmarck, släkter, urn:sbl:11939, Svenskt biografiskt lexikon, hämtad 2015-01-21.
  5. Minnespenningar öfver enskilda svenska män och qvinnor