Анатоль Адамавіч Альшэўскі

Анатоль Адамавіч Альшэўскі
Анатоль Адамавіч Альшэўскі
Асабістыя звесткі
Псеўданімы	Юрка Пружанскі
Дата нараджэння	4 ліпеня 1904
Месца нараджэння	Бяроза-Картузская, Пружанскі павет, Гродзенская губерня, Літоўскае генерал-губернатарства, Расійская імперыя;
Дата смерці	1937
Месца смерці	Менск, БССР, СССР;
Грамадзянства	Расійская імперыя; СССР;
Альма-матар	Камуністычны ўніверсітэт імя Я. М. Свярдлова[d];
Прафесійная дзейнасць
Род дзейнасці	пісьменнік
Мова твораў	беларуская
Грамадская дзейнасць
Партыя	КПСС; Камуністычная партыя Заходняй Беларусі;
Член у	Камуністычны саюз моладзі Заходняй Беларусі; Камуністычны саюз моладзі Польшчы[d];

Анатоль Альшэўскі (партыйны і публіцыстычны псеўданім і крыптанім: Юрка Пружанскі, Ю.Пружанскі, Ю. П.; 21 чэрвеня (4 ліпеня) 1904, мяст. Бяроза-Картузская Пружанскага павета Гродзенскай губерні, цяпер г. Бяроза Брэсцкай вобласці — 1937, Мінск) — публіцыст, дзеяч рэвалюцыйнага руху ў Заходняй Беларусі.

Біяграфія[правіць | правіць зыходнік]

Даволі рана далучыўся да левага руху, у 1919 у 15-гадовым узросце ўступіў у Чырвоную Армію, ваяваў на Палессі; тады ж стаў членам РКП(б). У 1920 быў накіраваны на вучобу ў Камуністычны універсітэт імя Свярдлова ў Маскве. У 1925, як ураджэнец Заходняй Беларусі, накіраваны туды на падпольную работу. Быў сакратаром ЦК КСМЗБ, членам ЦК КСМ Польшчы. У 1926 і 1928 выбіраўся членам ЦК КПЗБ^[3].

Актыўна займаўся публіцыстыкай і рэдактарскай справай — рэдагаваў цэнтральныя органы ЦК КПЗБ «Бальшавік» і «Чырвоны сцяг». Друкаваўся ананімна і пад псеўданімамі ў падпольных выданнях. Асноўная тэма яго публіцыстыкі — вострая крытыка палітыкі польскага ўраду ў Зах. Беларусі. Гэтая дзейнасць не магла быць незаўважана: у 1927 арыштаваны польскімі ўладамі і зняволены ў Варшаве^[3]. У 1928 па абмене палітычнымі вязнямі трапіў у СССР. У 1932 зноў закінуты ў заходнебеларускае камуністычнае падполле, але ў ліпені таго ж года вернуты ў Мінск.

Працаваў у рэдакцыі Прадстаўніцтва ЦК КПЗБ пры ЦК КП(б)Б. З 1933 на прафсаюзнай рабоце. У час найбольшага ўздыму масавых рэпрэсій у 1937 арыштаваны; загінуў у засценках НКВД. Рэабілітаваны пасмяротна. Імя Альшэўскага нададзена вуліцам у Бярозе і Пружанах. У Бярозе захаваўся дом, дзе ён жыў; там устаноўлена мемарыяльная шыльда^[3].

Зноскі

↑ Беларусь у асобах і падзеях Праверана 15 студзеня 2024.
<a href="https://wikidata.org/wiki/Track:Q112702533"></a>
↑ Беларуская энцыклапедыя: У 18 т. Т. 1: А — Аршын — Мн.: 1996. — Т. 1. — С. 289, 290. — 552 с. — ISBN 978-985-11-0036-7
<a href="https://wikidata.org/wiki/Track:Q17428485"></a><a href="https://wikidata.org/wiki/Track:Q13028710"></a>
↑ ^а ^б ^в Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

Літаратура[правіць | правіць зыходнік]

Орехво Н. С. Дела и люди КПЗБ: Воспоминания. Мн., 1983
Калеснік Ул. Пасланец Праметэя: Дакум. аповесць. Мн., 1984
Саламевіч. Слоўнік псеўданімаў
ЭГБ, т. 1.
Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

[_241c82901a10ac27-1] Беларусь у асобах і падзеях Праверана 15 студзеня 2024.
<a href="https://wikidata.org/wiki/Track:Q112702533"></a>

[_882747628568986a-2] Беларуская энцыклапедыя: У 18 т. Т. 1: А — Аршын — Мн.: 1996. — Т. 1. — С. 289, 290. — 552 с. — ISBN 978-985-11-0036-7
<a href="https://wikidata.org/wiki/Track:Q17428485"></a><a href="https://wikidata.org/wiki/Track:Q13028710"></a>

[Мар-3] а ^б ^в Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

[1]

[2]

[3]