Анатоль Мікалаевіч Лызікаў

Анатоль Мікалаевіч Лызікаў
Дата нараджэння	29 кастрычніка 1952(1952-10-29) (68 гадоў)
Месца нараджэння	Віцебск, Віцебская вобласць, БССР, СССР
Грамадзянства	Беларусь
Род дзейнасці	хірург
Месца працы	Віцебскі дзяржаўны медыцынскі ўніверсітэт
Навуковая ступень	доктар медыцынскіх навук (1994)
Навуковае званне	прафесар
Альма-матар	Віцебскі медыцынскі інстытут (1974)
Узнагароды	Выдатнік аховы здароўя Рэспублікі Беларусь

Анатоль Мікалаевіч Лызікаў (нар. 29 кастрычніка 1952, Віцебск) — беларускі вучоны ў галіне хірургіі. Доктар медыцынскіх навук (1994), прафесар (1996).

Біяграфія

Скончыў Віцебскі медыцынскі інстытут (1974). 3 1982 года працаваў у Віцебскім дзяржаўным медыцынскім універсітэце (з 1998 года загадчык кафедры). У 2007—2020 гадах — рэктар Гомельскага дзяржаўнага медыцынскага ўніверсітэта.

Навуковая дзейнасць

Навуковыя працы па энтэральным зондавым харчаванні пры захворваннях органаў брушной поласці, дыягностыцы і лячэнні захворванняў з дапамогай малаінвазійнай хірургіі.

Узнагароды

Узнагароджаны нагрудным знакам «Выдатнік аховы здароўя Рэспублікі Беларусь».

Літаратура

• Лызікаў Анатоль Мікалаевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — С. 382. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.