Андрэй Ігаравіч Піліпавец

Андрэй Піліпавец
Поўнае імя	Андрэй Ігаравіч Піліпавец
Нарадзіўся	17 лютага 1999(1999-02-17) (26 гадоў) Беразінскае, Гарадзілаўскі сельсавет, Маладзечанскі раён, Мінская вобласць, Беларусь
Грамадзянства	Беларусь
Пазіцыя	абаронца
Клубная кар’ера
2015—2017 Шахцёр (Салігорск) 0 (0) 2018 Баранавічы 9 (1) 2018—2019 Тарпеда (Мінск) 5 (0) 2019—2020 Рух (Брэст) 0 (0)
Нацыянальная зборная
2015 Беларусь (да 17) 2 (0) 2017 Беларусь (да 19) 2 (0) 2019 Беларусь (да 21) 1 (0)

Андрэй Піліпавец (нар. 17 лютага 1999) — беларускі футбаліст, абаронца.

Клубная кар’ера

Выхаванец маладзечанскай ДЮСШ-4, з 2015 года выступаў за дубль салігорскага «Шахцёра». У кастрычніку 2016 года і верасні 2017 года гуляў за «Шахцёр» у Юніёрскай лізе УЕФА. У лютым 2018 года перайшоў у «Баранавічы», дзе трэнерам стаў Іван Крутаў, які раней працаваў з юнакамі ў Салігорску. Быў адным з асноўных ігракоў каманды. У ліпені 2018 года пакінуў баранавіцкі клуб.

У жніўні 2018 года перайшоў у мінскае «Тарпеда». У сезоне 2018 выступаў за дубль, а да сезона 2019 рыхтаваўся з асноўнай камандай. У красавіку 2019 года гуляў за дубль, а 4 мая 2019 года дэбютаваў у Вышэйшай лізе, правёўшы ўсе 90 хвілін у матчы супраць магілёўскага «Дняпра» (0:1).

У ліпені 2019 года перайшоў у брэсцкі «Рух». У камандзе часам з’яўляўся на лаўцы запасных, аднак на поле так і не выйшаў. У 2020 годзе стаў выступаць за дубль, пазней пакінуў каманду.

Міжнародная кар’ера

У верасні і кастрычніку 2015 года выступаў за юнацкую зборную Беларусі да 17 гадоў у адборачным раўндзе чэмпіянату Еўропы.

У кастрычніку 2017 года выступаў за юніёрскую зборную Беларусі да 19 гадоў у адборачным раўндзе чэмпіянату Еўропы.

8 чэрвеня 2019 года правёў сваю адзіную сустрэчу за моладзевую зборную Беларусі, калі выйшаў на замену ў другім тайме адборачнага матча чэмпіянату Еўропы супраць Гібралтара (10:0).

Статыстыка выступленняў

Сезон	Дывізіён	Клуб	Краіна	Матчы	Галы
2015	дубль	Шахцёр		10	0
2016	дубль	Шахцёр		28	1
2017	дубль	Шахцёр		13	1
2018 (1)	Д2	Баранавічы		9	1
2018 (2)	дубль	Тарпеда		10	0
2019 (1)	Д1	Тарпеда		5	0
2019 (2)	Д2	Рух		0	0
2020 (1)	дубль	Рух		5	0