Андрэй Валер’евіч Арлоўскі

З Вікіпедыі, свабоднай энцыклапедыі
(Пасля перасылкі з Андрэй Валер'евіч Арлоўскі)
Андрэй Арлоўскі
Агульная інфармацыя
Поўнае імя Андрэй Валер'евіч Арлоўскі
Мянушка Пітбуль (англ.: Pitbull)
Грамадзянства  Беларусь
Нарадзіўся 4 лютага 1979(1979-02-04) (45 гадоў)
Бабруйск,
Магілёўская вобласць,
Беларуская ССР, СССР
Пражыванне Чыкага, Ілінойс, ЗША
Рост 193 гл
Вагавая
катэгорыя
Цяжкая
Кар'ера 1999 — н.ч.
Каманда Team Pitbull
Трэнер Дзмітрый Сцяпанаў
Фрэдзі Роўч
Грэг Джэксан
Стыль кікбоксінг, самба, бокс, бразільскае джыу-джытсу
Ступень
майстэрства
МСМК Рэспублікі Беларусь па самба
Статыстыка ў змяшаных адзінаборствах
Баёў 29
Перамог 19
 • накаўтам 14
 • болевым 3
 • рашэннем 2
Паражэнняў 9
 • накаўтам 7
 • рашэннем 2
Не адбыліся 1
Іншая інфармацыя
Сайт arlovski.com (англ.)
arlovski.ru (руск.)

Андрэй Валер'евіч Арлоўскі (англ. Andrei Arlovski, 4 лютага 1979, Бабруйск, Беларуская ССР) — беларускі спартсмен, які выступае ў змешаных адзінаборствах, адзінаццаты чэмпіён Ultimate Fighting Championship (UFC) у цяжкай вазе (2005—2006). У спаборніцтвах MMA (ад англ. Mixed martial arts) Арлоўскі, які, у ліку іншых, перамог такіх байцоў, як Цім Сільвія, Фабрысіу Вердум і Уладзімір Мацюшэнка, доўгі час лічыўся адным з вядучых байцоў.

Арлоўскі атрымаў мянушку «Пітбуль», для адпаведнасці з якім выкарыстоўвае капу з двума «ікламі».

Андрэй прыняў удзел у здымках трох фільмаў, у ліку якіх «Універсальны салдат 3: Адраджэнне» 2009 года і «Універсальны салдат 4: Новае вымярэнне», які выходзіць на экраны ў 2012 годзе. Ён таксама з'яўляецца прататыпам персанажа камп'ютарнай гульні кампаніі Electronic Arts, а таксама калекцыйнай фігуркі, выпушчанай пад брэндам UFC.

Раннія гады[правіць | правіць зыходнік]

Андрэй Арлоўскі нарадзіўся ў Бабруйску 4 лютага 1979 г. у сям'і бацькі-ваеннага і маці, якая працавала інжынерам. У дзяцінстве ён займаўся футболам, а пасля школы паступіў у Акадэмію МУС у Мінску, дзе актыўна стаў займацца самба і дзюдо. У верасні 1999 года ў Санкт-Пецярбургу праходзіў чэмпіянат свету па самба, на якім Арлоўскі стаў першым сярод юніёраў у катэгорыі звыш 100 кг і атрымаў званне «майстра спорту міжнароднага класа Рэспублікі Беларусь». Скончыўшы Акадэмію па спецыяльнасці юрыст-прававед, Арлоўскі не стаў працаваць у праваахоўных органах, а пачаў трэніравацца ў вядомага кікбаксёра Дзмітрыя Сцяпанава, пад кіраўніцтвам якога ён праходзіў падрыхтоўку да 2005 года.

Спартыўная кар'ера[правіць | правіць зыходнік]

M-1[правіць | правіць зыходнік]

У красавіку 1999 года Арлоўскі дэбютаваў у прафесійным спорце на «Чэмпіянаце свету 1999» — MMA-турніры, арганізаваным кампаніяй «Мікс-Файт М-1» ў Санкт-Пецярбургу. Яго супернікам у першым баі быў мясцовы баец Вячаслаў Дацык. На працягу ўсяго паядынку Арлоўскі валодаў значнай перавагай, асабліва прыкметнай у барацьбе, аднак не змог завяршыць сутычку датэрмінова. У самым пачатку сёмай хвіліны Дацыку ўдалося зрабіць дакладны ўдар у падбародак, адправіўшы ў накаўт беларускага спартсмена.

Праз год Арлоўскі рэабілітаваўся перад заўзятарамі, выйграўшы «Чэмпіянат Еўропы 2000». Для гэтага ён паслядоўна перамог Майкла Цілроя (задушлівы прыёмам «гільяціна») і Рамана Зянцова (тэхнічным накаўтам).

UFC[правіць | правіць зыходнік]

У 2005 годзе Арлоўскі атрымаў запрашэнне прыняць удзел у баях у ЗША, і неўзабаве пераехаў у Чыкага. Аднак варта адзначыць, што ў далейшым Андрэй заўсёды падкрэсліваў сваё паходжанне. У прыватнасці, ён выходзіў на паядынкі з падвойным сцягам: Беларусі і ЗША.

Асабістае жыццё[правіць | правіць зыходнік]

Некаторы час Арлоўскі жыў сумесная з дзяўчынай з часопіса Playboy полькай Патрысіяй Мікулай[1], з якой пазнаёміўся праз агульных сяброў[2]. Ён адклікаўся пра яе добра, адзначаючы, што яна заўсёды яго падтрымлівала[3]. Аднак потым пара расталася.

Зноскі

  1. Асмалоўскі, Андрэй. Ці адправіць Беларусь Расію ў накаўт? (руск.). «Камсамольская праўда» (22 студзеня 2009). Праверана 30 снежня 2010.
  2. Stupp, Dann (2007-04-17). "A MMAjunkie.com Interview with Andrei Arlovski" [англійская]. mmajunkie.com. Архівавана з арыгінала 10 ліпеня 2012. Праверана 2011-08-04. {{cite news}}: Невядомы параметр |deadurl= ігнараваны (прапануецца |url-status=) (даведка) Архіўная копія(недаступная спасылка). Архівавана з першакрыніцы 10 ліпеня 2012. Праверана 28 жніўня 2011.Архіўная копія(недаступная спасылка). Архівавана з першакрыніцы 10 ліпеня 2012. Праверана 28 жніўня 2011.
  3. Cofield, Steve (2010-05-12). "The re-birth of Arlovski: Working to shed mental and girlfriend issues" [англійская]. sports.yahoo.com. Праверана 2011-02-11.

Спасылкі[правіць | правіць зыходнік]