Андрэй Германавіч Волас

Андрэй Германавіч Волас
Асабістыя звесткі
Дата нараджэння	4 жніўня 1955(1955-08-04) (68 гадоў)
Месца нараджэння	Душанбэ, Таджыкская Савецкая Сацыялістычная Рэспубліка, СССР
Грамадзянства	СССР  Расія
Альма-матар	Расійскі дзяржаўны ўніверсітэт нафты і газу
Прафесійная дзейнасць
Род дзейнасці	пісьменнік
Мова твораў	руская

Андрэй Германавіч Волас (руск.: Андре́й Ге́рманович Во́лос; нар. 4 жніўня 1955, Сталінабад) — рускі пісьменнік, перакладчык і паэт, геафізік.

Біяграфія

Нарадзіўся 4 жніўня 1955 года ў Сталінабадзе (цяпер — Душанбэ) ў сям’і кандыдата геолага-мінералагічных навук Германа Сцяпанавіча Воласа. У 1977 годзе скончыў Маскоўскі інстытут нафтахімічнай і газавай прамысловасці імя І. М. Губкіна па спецыяльнасці «Геафізіка». Вярнуўся ў Душанбэ, дзе займаўся перакладамі таджыкскай паэзіі. У 1979 годзе дэбютаваў уласнымі вершамі ў часопісе «Памир». Першая кніга, паэтычны зборнік «Старая Шаша», выйшла ў 1988 годзе. З канца 1980-х гадоў пачаў пісаць прозу. Член Саюза пісьменнікаў Масквы. Жыве ў Маскве.

Яго першы раман «Хурамабад» у 2000 годзе атрымаў Дзяржаўную прэмію Расіі, Антыбукер, расійска-італьянскую ўзнагароду «Масква — Пенэ», а таксама прэміі часопісаў «Знамя» і «Новый мир».

Творы

Раманы

• «Хурамабад», 2000
• «Нерухомасць», 2001
• «Маскаўская Мека», 2003
• «Аніматар», 2005
• «Пераможац», 2008
• «Вяртанне ў Панджруд», 2013

Зборнікі апавяданняў

• Каманда 22/19, 1989
• Mymoon, 2005
• Таджыкскія гульні, 2005

Па-за жанрамі

• Алфавіта. Кніга адпаведнасцяў, 2007

Узнагароды

• прэміі часопісаў «Крестьянка», «Знамя» (1996), «Новый мир» (2001),
• міжнародная літаратурная прэмія «Масква — Пенэ» (1998),
• Дзяржаўная прэмія Расійскай Федэрацыі (2000) за раман «Хурамабад»,
• прэміі «Рускі Букер» (2013) і Студэнцкі Букер (2013) за раман «Вяртанне ў Панджруд».