Расійскі дзяржаўны ўніверсітэт нафты і газу імя І. М. Губкіна

З Вікіпедыі, свабоднай энцыклапедыі
Расійскі дзяржаўны ўніверсітэт нафты і газу імя І. М. Губкіна
Университет нефти и газа им.Губкина - panoramio.jpg
Заснаваны 1930
Тып дзяржаўны
Студэнты 10 000
Размяшчэнне Масква, Расійская Федэрацыя
Узнагароды
ордэн Кастрычніцкай Рэвалюцыі ордэн Працоўнага Чырвонага Сцяга ордэн Палярнай зоркі, Манголія Order of Friendship Labor Order ордэн Дружбы
Сайт gubkin.ru
Лагатып Вікісховішча Медыяфайлы на Вікісховішчы

Расійскі дзяржаўны ўніверсітэт нафты і газу імя І. М. Губкіна — расійскі нацыянальны даследчы ўніверсітэт у Маскве.

Гісторыя[правіць | правіць зыходнік]

Сваю гісторыю ўніверсітэт вядзе ад нафтавага факультэта Маскоўскай Горнай Акадэміі, створанага Дэкрэтам ВСНГ ад 4 верасня 1918 года. У 1920 годзе на пасаду прафесара Акадэміі быў прыняты Іван Міхайлавіч Губкін, а ў 1922 годзе ён стаў яе рэктарам.

17 красавіка 1930 года Прэзідыумам ВСНГ было прынята рашэнне расфармаваць Маскоўскую Горную Акадэмію імя Сталіна і на яе аснове стварыць шэсць вышэйшых тэхнічных навучальных устаноў, у тым ліку — Маскоўскі нафтавы інстытут. Улічваючы велізарныя заслугі акадэміка Губкіна ў справе арганізацыі вышэйшай школы па падрыхтоўцы кадраў для нафтавай прамысловасці, інстытуту было прысвоена імя Івана Міхайлавіча Губкіна, а сам ён быў прызначаны першым яго дырэктарам. З адпаведных аддзяленняў былога нафтавага факультэта Горнай Акадэміі былі ўтвораны першыя тры факультэты ВНУ — факультэт геалогіі і разведкі нафты, промыслава- механічны факультэт і факультэт перапрацоўкі нафты.

З пачаткам Вялікай Айчыннай вайны ў кастрычніку 1941 года інстытут быў эвакуіраваны ў Уфу. Праз год, у кастрычніку 1942 года у Маскве пачаў працу філіял інстытута. З мая 1943 галаўным зноў стаў інстытут у Маскве, а уфімскі — яго філіялам.

У 1958 годзе ўніверсітэт быў перайменаваны ў Маскоўскі інстытут нафтахімічнай і газавай прамысловасці імя І. М. Губкіна. 18 снежня 1985 года інстытут быў перайменаваны ў Маскоўскі інстытут нафты і газу імя І. М. Губкіна, а 7 мая 1991 года пераўтвораны ў Дзяржаўную акадэмію нафты і газу імя І. М. Губкіна.

У жніўні 1998 Загадам Міністэрства адукацыі РФ быў ператвораны ў Расійскі дзяржаўны ўніверсітэт нафты і газу імя І. М. Губкіна.

У 2010 годзе ўніверсітэт атрымаў статус нацыянальнага даследчага ўніверсітэта.[1]

Склад універсітэта[правіць | правіць зыходнік]

Універсітэт мае у сваім складзе наступныя факультэты[2]:

  • Факультэт аўтаматыкі і вылічальнай тэхнікі
  • Факультэт геалогіі і геафізікі нафты і газу
  • Факультэт гуманітарнай адукацыі
  • Факультэт інжынернай механікі
  • Факультэт комплекснай бяспекі паліўна-энергетычнага комплексу
  • Факультэт міжнароднага энергетычнага бізнесу
  • Факультэт навукова-педагагічных кадраў і кадраў вышэйшай кваліфікацыі
  • Факультэт праектавання, будаўніцтва і эксплуатацыі сістэм трубаправоднага транспарту
  • Факультэт распрацоўкі нафтавых і газавых радовішчаў
  • Факультэт хімічнай тэхналогіі і экалогіі
  • Факультэт эканомікі і кіравання
  • Юрыдычны факультэт

Універсітэт мае філіялы ў гарадах Ташкент[3] і Арэнбург[4]. З 1943 па 1948 год універсітэт меў філіял ва Уфе, аднак пасля філіял быў ператвораны ў самастойны ўніверсітэт — Уфімскі дзяржаўны нафтавы тэхнічны ўніверсітэт[5].

Вядомыя выпускнікі[правіць | правіць зыходнік]

  • Рынат Хадыевіч Аюпаў — генеральны дырэктар ТАА ПКФ «АЛАЗ»
  • Валер Уладзіміравіч Бесель — выканаўчы віцэ-прэзідэнт ГК «НьюТэк Сервісэз»
  • Юрый Міхайлавіч Барысаў — член праўлення Фонду выпускнікоў універсітэта (2002—2022)
  • Алег Георгіевіч Гардзееў — правадзейны дзяржаўны саветнік 2 класа
  • Святлана Генадзеўна Радзівонава — кіраўніца Распрыроднагляду[6][7]

Зноскі

  1. ↑ Гісторыя РДУНіГ Архівавана 6 красавіка 2019.
  2. ↑ Спіс факультэтаў РДУНіГ Архівавана 6 красавіка 2019.
  3. ↑ Старонка філіяла РДУНіГ у Ташкенце
  4. ↑ Старонка філіяла РДУНіГ у Арэнбурзе
  5. ↑ Гісторыя УДНТУ Архівавана 14 мая 2019.
  6. ↑ https://zelenograd24.ru/pressroom/press-release/detail/343562/
  7. ↑ https://hrmonitor.ru/bio/svetlana-radionova.html/
Узята з "https://be.wikipedia.org/w/index.php?title=Расійскі_дзяржаўны_ўніверсітэт_нафты_і_газу_імя_І._М._Губкіна&oldid=4489088"