Антонаў Ан-225 Мрыя

Антонаў Ан-225 Мрыя (укр.: Ан-225 «Мрія» - «мара», унутранае пазначэнне: выраб 402, па кадыфікацыі НАТА: Cossack - бел.: Казак) — транспартны самалёт звышвялікай грузападымальнасці распрацаваны АКБ імя Антонава. Кіраўнік праекта - Талмачоў Віктар Ільіч. Самы вялікі ў свеце самалёт. Унікальны транспартны самалёт быў спраектаваны і пабудаваны на Кіеўскім механічным заводзе ў 1984-1988 гадах. Першы палёт быў здзейснены 21 снежня 1988. Першапачаткова былі запачаткаваны 2 машыны, у цяперашні час адзін асобнік знаходзіцца ў лётным стане і эксплуатуецца ўкраінскай кампаніяй Antonov Airlines. Другі асобнік гатовы на 70%.