Антон Цэзаравіч Збарашэўскі

Антон Цэзаравіч Збарашэўскі
Дата нараджэння	28 сакавіка 1888(1888-03-28)
Месца нараджэння	Плотніца, Плотніцкая воласць[d], Пінскі павет, Мінская губерня, Расійская імперыя
Дата смерці	27 снежня 1952(1952-12-27) (64 гады)
Месца смерці	Плотніца, Плотніцкі сельсавет, Столінскі раён, Брэсцкая вобласць, БССР, СССР
Месца пахавання	Асавая
Грамадзянства	СССР
Бітвы/войны	Першая сусветная вайна Кастрычніцкая рэвалюцыя

Антон Цэзаравіч Збарашэўскі (1888—1952) — ваенны афіцэр часоў Першай сусветнай вайны, удзельнік Лютаўскай і Кастрычніцкай рэвалюцый.

Біяграфія

Нарадзіўся 28 сакавіка 1888 года ў вёсцы Плотніца. Прызваны ў 1908 годзе на ваенную службу. Трапіў у Праабражэнскі полк. Удзельнік Першай сусветнай вайны.

У час Лютаўскай рэвалюцыі 1917 года ўліўся ў рады рэвалюцыйнага атрада. Удзельнік Кастрычніцкай рэвалюцыі, штурмаваў Зімні палац.

У 1919 годзе вярнуўся з Петраграда ў родную вёску, дзе да канца сваіх дзён працаваў на сельскай гаспадарцы. Памёр 27 снежня 1952 года. Пахаваны на могілках у в. Асавая.

Узнагароды

• Георгіеўскі крыж усіх чатырох ступеней
• Медаль «За храбрасць»
• Медаль «У памяць 100-годдзя Айчыннай вайны 1812 года»
• Медаль «У памяць 200-годдзя бітвы пры Гангуце»

Літаратура

• Кніга Памяці: Столінскі раён. С. 88