Асака дзірваністая

Асака дзірваністая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Асаковыя Падсямейства:  Cyperoideae Трыба:  Асаковыя Род:  Асака Від:  Асака дзірваністая
Міжнародная навуковая назва
Carex cespitosa L., 1753
Выявы на Вікісховішчы NCBI   910631 EOL   1124743 IPNI   2989971-1 TPL   kew-225431

Асака дзірваністая (Carex cespitosa) — травяністая расліна сямейства асаковых.

Назва

Асака дзірваністая, целарэз, кустовіца, сака, смочка, сочка, аір.

Апісанне

Расліна вышынёй 20—140 см, утварае купіны. Сцяблы скучаныя, тонкія, востратрохгранныя, каля асновы з цёмна-пурпуровымі, сеткавата-расшчэпленымі похвамі. Лісце зялёнае, пляскатае, вузкалінейнае, завостранае. Колас з 1 тычынкавага і 2 песцікавых кароткацыліндрычных каласкоў. Прыкветны ліст шчацінкападобны. Лускавінкі каласкоў яйцападобныя, тупыя, чорна-бурыя. Рыльцаў 2. Мяшочкі двойчыпукатыя, эліптычныя, іржава-зялёныя, без жылак, з кароткім песцікам.

Пашырэнне

Пашырана ў Еўразіі. Расце на нізінных балотах, у алешніках, забалочаных хмызняках. На Беларусі трапляецца часта, цвіце ў маі.

Выкарыстанне

Кармавая расліна, багатая пратэінам. Выкарыстоўваецца на сілас.

Літаратура

• Іванкіна В. Асака // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.