Мікалай Васілевіч Шатэрнік

Мікалай Васілевіч Шатэрнік
Дата нараджэння	11 верасня 1890(1890-09-11)
Месца нараджэння	Старына, Ігуменскі павет, Мінская губерня, Расійская імперыя
Дата смерці	2 снежня 1934(1934-12-02) (44 гады)
Грамадзянства	БССР
Бацька	Васіль Шатэрнік[d]
Род дзейнасці	мовазнавец, краязнавец, педагог
Месца працы	Аршанскі педагагічны тэхнікум
Альма-матар	Нясвіжская настаўніцкая семінарыя Беларускі дзяржаўны вышэйшы педагагічны інстытут (1933)
Медыяфайлы на Вікісховішчы

Мікалай Васілевіч Шатэрнік (11 верасня 1890, вёска Старына, Ігуменскі павет, Мінская губерня, цяпер Чэрвеньскі раён, Мінская вобласць — 2 снежня 1934) — беларускі мовазнавец, краязнавец, педагог.

Біяграфія

У 1914 скончыў Нясвіжскую настаўніцкую семінарыю. Працаваў настаўнікам на Міншчыне (1914—29). У 1933 скончыў МВПІ. У 1933—34 выкладаў беларускую мову і літаратуру ў Аршанскім педтэхнікуме. Выступаў у друку з артыкуламі на педагагічныя і метадычныя тэмы. Займаўся краязнаўчай работай і збіраннем жывой народнай лексікі на тэрыторыі былога Ігуменскага павета. У выніку М. Шатэрнік уклаў «Краёвы слоўнік Чэрвеншчыны». Памёр ад сухотаў у 1934 годзе.

Творы

• Краёвы слоўнік Чэрвеншчыны. Мн., 1929.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі

• На Вікісховішчы ёсць медыяфайлы па тэме Мікалай Васілевіч Шатэрнік