Бадалона

Горад
Бадалона
Badalona
Сцяг Герб
41°26′ пн. ш. 2°14′ у. д.
Краіна	Іспанія
Аўтаномная супольнасць	Каталонія
Правінцыя	Барселона
Раён	Барселонес
Кіраўнік	Xavier García Albiol[d]
Гісторыя і геаграфія
Плошча	20,95 км²
Вышыня	12 м
Часавы пояс	UTC+1, летам UTC+2
Насельніцтва
Насельніцтва	218886 чалавек (2010)
Этнахаронім	Badalones /esa
Афіцыйная мова	каталанская мова
Лічбавыя ідэнтыфікатары
Паштовыя індэксы	0891x
Аўтамабільны код	B
badalona.cat (ісп.)
Паказаць/схаваць карты
Бадалона
Медыяфайлы на Вікісховішчы

Бадалона (катал.: Badalona) — горад у паўночна-ўсходняй частцы Іспаніі, які размяшчаецца ў аўтаномнай супольнасці Каталонія. Знаходзіцца ў камарцы Барселоны, з’яўляючыся часткай сталічнай вобласці Барселоны. Горад размешчаны на левым беразе невялікай ракі Безас, а таксама мае выхад да Міжземнага мора. Бадалона з’яўляецца трэцім паводле колькасці жыхароў горадам у Каталоніі пасля Барселоны і Аспіталет-дэ-Льябрэгат. Статус горада быў атрыманы Бадалонай у 1897 годзе.

Гісторыя

Ратуша.

Бадалона была заснавана рымлянамі ў III стагоддзі да н.э., пад імем Баэтула (па-лацінску: Baetulo), хоць паселішчы ў гэтым раёне існавалі з 3500—2500 да н.э.. Рымскі горад займаў плошчу ў 11 га, з лініяй сцен 413x261 м, паселішча мела вялікія абарончыя вежы. У I стагоддзі да н.э. у горадзе размяшчалася 15 тысяч жыхароў.

Цяперашняя Бадалона была створана ў X стагоддзі. Манастыр Сант-Херані-дэ-ла-Муртра, пабудаваны ў XIV стагоддзі, з’яўляўся летняй рэзідэнцыяй каталіцкіх манархаў Іспаніі. Бадалона была адным з самых важных гарадоў падчас іспанскай індустрыялізацыі ў XIX стагоддзі.

Культура

У маі, у сувязі са святам Святога Анастаса, апякуна Бадалоны, у горадзе праводзяцца шматлікія мерапрыемствы і фестывалі.

Гарады-пабрацімы

• Альканар, Іспанія
• Сан-Фернанда, Іспанія
• Парла, Іспанія
• Вальпараіса, Чылі
• Гётэбарг, Швецыя
• Сітхес, Іспанія

Спасылкі

• На Вікісховішчы ёсць медыяфайлы па тэме Бадалона
• Афіцыйны сайт Архівавана 24 лістапада 2020.